Mattayo 16 - Sumu Yedi ya Isa Masiya 1906 Kitamo 1897 Malumbo 1905

¹ Wakaza Wafarisayo na Wasadukayo wekimghesha, wakambujanya awawondje luwano lwa kufuma wanga.

² Akatalwa akawawurra, Hekioka chamagheri mwaghamba, Kuhoiya, amu ngundu wanga;

³ Na heyawo, Ngungu yoo; amu wanga ngundu na ya majumbi. Mwatisiwa kutwarija wusho wa wanga, kake maluwano ma magheri tomuidima.

⁴ Irika iwiwi na la kushinda laenda luwano, na telineingwa luwano nde luwano lwa Yunus. Akawashigha akatonga.

⁵ Waanalosha wakafika sela ya keri wakaiwaa kutika kidjo.

⁶ Yesu akawawurra, Yoeni na kurindeni hena chachu la Wafarisayo na Wasadukayo.

⁷ Wakateta wonawo, wekighamba, Totutikie kidjo.

⁸ Yesu ekitisiwa akaghamba, Nikini mwateta unywi hena unywi, ti tomuhete kidjo, wenye luitikijo ludongo?

⁹ Tomumetwarija nete tomumakumbuka mabumunda masano ma wandu maghani makumi masano, na mbinda ijo mwajitikie:

¹⁰ Nete mabumunda mafungate wa wandu maghana makumaane na mbinda ijo mujitikie?

¹¹ Nize tomutwarija, ti simtetie mburi ya mabumunda, kake mukurinde hena chachu la Wafarisayo na Wasadukayo.

¹² Niho wakatwarija ti tetetie ti wakurinde hena chachu la mabumunda, kake hena malosho ma Wafarisayo na Wasadukayo.

¹³ Ekifika Yesu isanga la Kaisaria ya Filipo akawawujanwa waanalosha wakwe, ekiteta, Niani wandu waghamba ti mi mwana wa mundu nimi?

¹⁴ Wakaghamba, Wengi, Yohana Mbatizaji; wengi, Eliya; wengi, Yeremiya, kana mwe wawo waroti.

¹⁵ Awawurra, Kake unywi mwanighamba kuoka niani?

¹⁶ Simon Petro akatalwa akaghamba, We niwe Masihi, Mwana wa Izuwa mwenye moo.

¹⁷ Yesu akatalwa akamburra, Watasiwa, Simon mwana wa Yunus; amu nyama na sakame tejikujughuiye, nde Apa wangu eoho wanga.

¹⁸ Nami nakuwurra, ti niwe Petro, na wanga ya ibwe ili ninelijenga kanisa langu, na maluwi ma ahera temenelilela.

¹⁹ Nakuinga machunguo ma ufumwa wa wanga; na kila unekichunga masangeni kinechungwa wanga; na kila unekichungua masangeni kinechunguka wanga.

²⁰ Akawaaghanya waanalosha wasimburre mundu ti niye Masihi.

²¹ Too magheri mala akawoka Yesu kuwawondja waanalosha wakwe ti yambe kutonga na Yerusalemi, na kurishwa wukiwa wingi ni waghosi na wakohani wabaha na watami, na kukomwa, na kurushwa musi wa katatu.

²² Petro akamuha akawoka kumbohia, ekiteta, Lusario hako, Mzuri; isioke hako huwo.

²³ Akagharuka akamburra Petro, Tonga nyuma yangu, Shetani: we mashishiro hangu; amu touvikusara vindu vya Izuwa, nde vya wandu.

²⁴ Yesu akawawurra waanalosha wakwe, Mundu ekikunda kuza nyuma yangu, akukanie ngoro yakwe, autike msalaba wakwe, aniratere.

²⁵ Amu ula ekundie kukija moo wakwe, eneutesha: na ula eneutesha moo wakwe hena lwangu, eneuwona.

²⁶ Amu mundu enebigha mbucha ani, ekiwona hena mbucha masanga mose, ekitesha moo wakwe? Kana nikini mundu eneng’ola hena kukoranya kwa moo wakwe?

²⁷ Amu Mwana wa mundu eneza ghati ya kirumi cha Wawee hamwe na malaika wakwe, na magheri mala enewang’olia wose hena ndima jawo.

²⁸ Amin namburra, Weoho kunu weimuka, tewenewona kifwa, mtano weneikawone Mwana wa mundu ekiza ghati ya ufumwa wakwe.