Malumbo 99 - Sumu Yedi ya Isa Masiya 1906 Kitamo 1897 Malumbo 1905

¹ Mzuri eitoria; mbare jidedeme: etua ghati ya makerubi; masanga madedemishwe.

² Mzuri niye mbaha ghati ya Sayuni: na ekoiye wanga ya mbare jose.

³ Waliisise izina lako ibaha na la kuitusha: niye eshenete.

⁴ Zinya ya mfumwa pia ikundie wuchili; uidindija singisi: waketa wuchili na ngalo ghati ya Yakobo.

⁵ Mkwejeni Mzuri Izuwa wetu, mreombeni maghuni hakwe: Niye eshenete.

⁶ Musa na Harun ghati ya wakohani wakwe, na Samweli ghati yawo wemwitangia izina: awa wemwitangia Mzuri, akawatalwa.

⁷ Etetie nawo ghati ya ngujo ya ijumbi: wakagura mburi jakwe, na itanawo ewaingie.

⁸ Ukawatalwa, Ee Mzuri Izuwa wetu; ukaoka Izuwa mwenye kuwashighia: ukioka uihije‐lawi hena mihiro yawo.

⁹ Mkwejeni Mzuri Izuwa wetu, mreombeni hena nduwi ishenete yakwe: amu Mzuri Izuwa wetu eshenete.