Malumbo 97 - Sumu Yedi ya Isa Masiya 1906 Kitamo 1897 Malumbo 1905

¹ Mzuri eitorie; masanga maizihirwe: vidara viingi viisejwe.

² Majumbi na kija memjunguluka: ngalo na wuchili vindu vya kuwoka vya kiikaiyo kyakwe.

³ Moto umrongoria: na ushota wazo wakwe mbai jose.

⁴ Vimereteko vyakwe vimaangaje masanga: masanga makawona, makadedema.

⁵ Nduwi jikachangaruka sa machocho msongorana wakwe Mzuri: msongorana wakwe Mzuri wa masanga mose.

⁶ Wanga jatoranya ngalo yakwe: na mbare jose jakiwona kirumi kyakwe.

⁷ Wose weomba sanamu jisongowe wagurwe ni soni, wekuisisa hena sanamu: mwombeni Ye, unywi maizuwa mose.

⁸ Sayuni ikasikia ikaisejwa, na wache wa Uyahudi wakaizihirwa: amu ya mawuchili mako, Ee Mzuri.

⁹ Amu we, Mzuri, niwe ukweie muno wanga ya masanga mose: We wakwejwa muno wanga ya maizuwa mose.

¹⁰ Ee unywi mumkunda Mzuri, sueni viwiwi; ejirinda ngoma ja washenete wakwe: ewang’ola mkononi hawo wawiwi.

¹¹ Kyangaji kyahandwa hena wenye‐ngalo: na luisejo hena wairowili ngoroni.

¹² Muisejwe ghati ya Mzuri, unywi wenye ngalo: mureanjela hena izina lishenete lakwe.