Malumbo 96 - Sumu Yedi ya Isa Masiya 1906 Kitamo 1897 Malumbo 1905

¹ Mbinieni Mzuri kivino kisha: mbinieni Mzuri, masanga mose.

² Mbinieni Mzuri, litasieni izina lakwe: lutindieni lukio lwakwe musi mtano musi.

³ Toranyeni kirumi kyakwe ghati ya mbare: marighio makwe ghati na ghati ya wandu wose.

⁴ Amu Mzuri ni mbaha, na einarwe kuisiswa muno: niye wa kufolesha kukela maizuwa mose.

⁵ Amu maizuwa mose ma wandu ni sanamu: kake Mzuri niye ejilungie wanga.

⁶ Nganyi na ubaha msongorana wakwe: zinya na uwedi uoho ghati ya heshenete hakwe.

⁷ Mwingeni Mzuri, unywi mbare ja wandu: mwingeni Mzuri kirumi na zinya.

⁸ Mwingeni Mzuri kirume kiinarwe na izina lakwe: eteni king’olwa, na ingieni na viwanza wakwe.

⁹ Mwombeni Mzuri ghati ya uwedi wa wusheneto: dedemeni msongorana wakwe, masanga mose.

¹⁰ Teteni ghati ya mbare, Mzuri eitoria, masanga pia maduwijwa masiidima kudedemishwa: enejichilia mbare na singisi.

¹¹ Wanga jiisejwe, na masanga maizihirwe: bahari irurume, na kuizua kwakwe.

¹² Mteme ung’are, na vyose viohoho: niho miti yose ya kitito inevina hena luizihiro.

¹³ Msongorana wakwe Mzuri, amu eza; amu eza amachilia masanga: enemachilia masanga na ngalo, na mbare na kididi yakwe.