Malumbo 94 - Sumu Yedi ya Isa Masiya 1906 Kitamo 1897 Malumbo 1905

¹ Ee Mzuri, We Izuwa mwenye kuihija‐lawi: We Izuwa mwenye kuihija lawi, ung’ae.

² Ukuwushije, We mchili wa masanga: uwaihie wenye mafuti sandu iwawe.

³ Mzuri, mtano rini wawiwi: mtano rini wawiwi weneng’ara?

⁴ Weketa toghoyo, weteta hena mafuti: waketi‐viwiwi wose wekuisisa.

⁵ Wewabaabaa wandu wako, Ee Mzuri: na weurisha wasi uhodja wako.

⁶ Wekoma ngawiani na mugheni: wekoma na tiri wesina wawee.

⁷ Na weghamba. Mzuri tekawoneye: nete Izuwa wa Yakobo tekakusareye.

⁸ Kusareni, unywi musina kucha ghati ya wandu: na unywi mutomode, ni rini munecha?

⁹ Ula elihanda isikio, tekasikiaye: ula eliarehe ijiso, tekawonaye.

¹⁰ Ula eloshije mbare, tekachilieye: Eye ewalosha wandu watisiwe.

¹¹ Mzuri ematisiwe makusaro ma wandu: ti nimo mahaya.

¹² Etasiwa mundu ula umloshije, Ee Mzuri: na umlosha ghati ya sheria lako.

¹³ Nesa umwinge lusoghoko ghati ya misi ya wasi: mtano iwongo lineikaliforwe hena wasui‐Izuwa.

¹⁴ Amu Mzuri tekawatagheye wandu wakwe: nete tekaushigheye uhodjo wakwe.

¹⁵ Amu wuchili uneihundukia ngalo: wose werongeke ngoroni weneiratera.

¹⁶ Niani enewuka hena lwangu wanga ya waareha‐viwiwi: niani eneimuka hena lwangu wanga ya waketi‐viwiwi?

¹⁷ Mzuri asaoka lughenjo lwangu: ngoma yangu afuhi itua ghati ya kuhuja.

¹⁸ Nikinaghambe, Kughu kwangu kutandarika: lusario lwako, Ee Mzuri, lunitiriche.

¹⁹ Ghati ya makusaro meingi ma ndeni hangu: madindijo mako meniiseje ngoma.

²⁰ Kiikayo kya owiwi kioke na lushanganyo na We: kiareha mateshanyo hena itanawo?

²¹ Wekuwunganya hamwe wanga ya ngoma yakwe mwenye ngalo: weichilia sakame isina kutekwa.

²² Kake Mzuri eokie mnara wangu ukoiye: na Izuwa wangu ibwe la matukio langu.

²³ Naye eete wanga yawo owiwi wawo wenye, na enewachwa ghati ya viwiwi vyawo: Mzuri Izuwa wetu enewachwia hae.