Malumbo 90 - Sumu Yedi ya Isa Masiya 1906 Kitamo 1897 Malumbo 1905

¹ Mzuri, niwe uokie kaa yetu: irika hena irika.

² Kuwoka kwa kuwoneka nduwi, kana kulungwa si na masanga: too ndarasi mtano ndarasi, niwe Izuwa.

³ Wamhundua mundu mtano kuoshwa purughushe: waghamba, Hundukeni, unywi wandu.

⁴ Amu miaka maghana ikumi mesoni hako ni sa iwuo: ikioka yavetia sa lukamba lwa kio.

⁵ Ukiwabarasakanya, niwo sa lughohe: turu na turu wanyaruka sa mani.

⁶ Heyawo mamea, masheghusha: chamagheri matemwa, maoma.

⁷ Amu twaiting’o hena oro yako: twaituka hena kureghija kwako.

⁸ Wawika matekwa metu msongorana wako: na ng’oki jetu ja mbiso ghati ya kiangaji kwa wusho wako.

⁹ Amu ukareghija misi yetu yateka yose: twaidiwa miaka yetu, sa sumu.

¹⁰ Misi ya kukia kwetu miaka makumi mafungate; na wandu wekioka na zinya ya kufika miaka makumi manane: zinya yawo wukiwa na wasi tiki; amu yavetia wangu, na twatonga.

¹¹ Niani etisiwa zinya ya oro yako: amu sandu fole, ni huwo kureghija kwako.

¹² Utuloshe kutara misi yetu: nesa tuoke na ngoro ja kucha.

¹³ Uhunduke, Mzuri, kuidiwa: uwasarie wazoro wako.

¹⁴ Utuighushe na lusario lwako, wangu: huwo tuneizihirwa na tuneisejwa misi yetu yose.

¹⁵ Utudindijewa kutera kwa magheri ma kuturisha wukiwa: na hena miaka tukinaone wasi.

¹⁶ Uwawondje wazoro wako ndima yako: na waana wawo kirumi chako.

¹⁷ Na ubaha na kirumi cha Mzuri Izuwa wetu kioke wanga yetu: ututasie ghati ya ndima ya mikono yetu, uitasie ndima ya mikono yetu.