Malumbo 85 - Sumu Yedi ya Isa Masiya 1906 Kitamo 1897 Malumbo 1905

¹ Mzuri, uokie na mvono hena isanga lako: ukahundua kuchungwa kwakwe Yakobo.

² Ushighie owiwi wa wandu wako: ukaifinikira ng’oki yawo yose.

³ Uiwushijie oro yako yose: ukagharuka kufuma ukaehe wa kureghija kwako.

⁴ Utugharushe, ee Izuwa wa lukio lwetu: uiting’ije kureghija kwako hetu.

⁵ Unereghija na uswi ndarasi: unenetija kureghija kwako mtano marika mose?

⁶ Toukundie we kutuwushawa: nesa wandu wako waizihirwe hena lwako?

⁷ Utuwondje lusario lwako, ee Mzuri: na utuinge lukio lwako.

⁸ Ninekisikia kila Mzuri Izuwa enekiteta: amu enewatetia wandu wakwe na weshenete wakwe luworo; kake wasikuhundukie kutomoda.

⁹ Kididi lukio lwakwe ni afuhi na wala wemwondoka: nesa kirumi kitue na isanga letu.

¹⁰ Lusario na kididi jatorana: ngalo na luworo manyonyozana.

¹¹ Kididi yamea kufuma masangeni: na ngalo eyoa kufuma wanga.

¹² Ee, Mzuri eneng’ola kila kiokie kyedi: na isanga letu linegera kuneta kwakwe.

¹³ Ngalo inemrongoria: na inemaarehia mawato makwe nzia.