Malumbo 76 - Sumu Yedi ya Isa Masiya 1906 Kitamo 1897 Malumbo 1905

¹ Ghati ya Yuda Izuwa etisiwika: izina lakwe ibaha ghati ya Israeli,

² Ghati ya Salem pia hema yakwe: na kutua kwakwe ghati ya Sayuni.

³ Niho ebaie mivwi ya wuta: ngao na muhandi na ngondo.

⁴ Niwe mwenye nguma na mawedi: kukela nduwi ja matahwa.

⁵ Wenye ngoro ya zinya wetahwa, weshinjia lughohe lwawo: na wandu waaria tewewonawo mikono yawo nete mwe.

⁶ Hena kuboha kwako, ee Izuwa wa Yakobo: na igari na frasi wagurwa na lughohe lubaha.

⁷ We niwe mwenye kuitusha: na niani eidima kuimuka mesoni hako ukioka na oro?

⁸ Waosha wuchili kusikiwa kufuma wanga: masanga makaondoka, makahuja.

⁹ Izuwa ekinawuke hena wuchili: nesa awakije wahoo wose wa masanga.

¹⁰ Kididi lureghijo lwa wandu lunekuisisa: unekuchungia mashighajiko ma lureghijo.

¹¹ Rareni, mwihieni Mzuri Izuwa wenyu: wose wemjunguluka wamwetie viingijo ula einarwe na fole.

¹² Enewachwia ngoro wabaha: ewagera fole wafumwa wa masanga.