Malumbo 72 - Sumu Yedi ya Isa Masiya 1906 Kitamo 1897 Malumbo 1905

¹ Mwinge mfumwa mawuchili mako, Ee Izuwa: na ngalo yako umwinge mwana wa mfumwa.

² Enewachilia wandu wako hena ngalo: na wakiwa wako hena wuchili.

³ Nduwi jinewaetie wandu luworo: na vituwi, hena ngalo.

⁴ Enewachilia wakiwa wa wandu, enewakija waana wawo wewaiya: enembaa mwenye kuinyala.

⁵ Wenekuondoka magheri nzano ioho: na msongorana wa mweji, ghati ya marika.

⁶ Enesea sa mvua wanga ya mani mechika: sa madofi ma mvua menyosha masanga.

⁷ Misi yakwe mwenye ngalo eneketa nguwari: na wiingi wa luworo, mtano mweji uneikausoweke.

⁸ Eneitoria pia kufuma bahari mtano bahari: na kufuma Mfuro mtano mihaka ya masanga.

⁹ Wala wetua na shighati weneinama msongorana wakwe: maring’a makwe meneisona purughushe.

¹⁰ Wafumwa wa Tarshishi na vidara weneete viingijo: wafumwa wa Sheba na Seba weneng’ola lushango.

¹¹ Ee, wafumwa wose wenegwa msongorana wakwe: mbare jose jinemtumikia.

¹² Amu enemkija mwenye kuwaiya ekiiya: na mukiwa, esina mughenja.

¹³ Enemsaria mnana na mwenye kuwaiya: enejikija ngoma jawo wenye kuwaiya.

¹⁴ Eneikombola ngoma yawo ghati ya kuinyalwa na kuketiwa zinya: nayo sakame yawo ineoka esilele mesoni hakwe.

¹⁵ Nawo wenekia; na Ye eneng’oliwa ya thahabu ya Sheba: na wandu wenemwombia wasiiting’o; wenemtasia hemusi puti.

¹⁶ Uneoka wiingi wa kidjo masangeni wanga ya nduwi: ndunda jakwe jinewinawina sa Lebanoni; nawo wa kiongo weneketa nguwari sa mani ma isanga.

¹⁷ Izina lakwe lineikaa ndarasi: izina lakwe lineikaa magheri nzano ioho: wandu wenetasiwa hakwe: mbare jose jinemwitanga etasiwa.

¹⁸ Atasiwe Mzuri Izuwa, Izuwa wa Israeli: Eye eareha marighio mjenye.

¹⁹ Na litasiwe izina lakwe la kirumi ndarasi: na masanga mose maizujwe na kirumi kyakwe, Esai na Esai.