Malumbo 71 - Sumu Yedi ya Isa Masiya 1906 Kitamo 1897 Malumbo 1905

¹ Nakuitikija we, Ee Mzuri; nisigurwe ni soni ndarasi: uning’ole hena ngalo yako, unikije; uniinamijie isikio lako, unikije.

² Uoke hangu ibwe la kuikaiya, nitongaho misi yose: waaghanya nikijwe, amu niwe ibwe langu na boma yangu.

³ Unikije, Ee Izuwa wangu, mkononi ha wawiwi: mkononi ha mundu esina ngalo ekaehe.

⁴ Amu niwe luing’idaki lwangu, Ee Mzuri Izuwa: luitikijo lwangu too wudongo wangu.

⁵ Nadindijwa ni we too ndeni: waniketia nezo too ndeni ha iya; luisiso lwangu luneoka lwako misi yose.

⁶ Nimi sa irighio hena weingi: kake niwe mashorota mangu medindie.

⁷ Itumbu langu lineizua luisiso lwako: na nganyi yako hemusi puti.

⁸ Usinitaghe magheri ma kukua: usinishighe magheri ineikaiduhuke zinya yangu.

⁹ Amu maring’a mangu meteta wanga yangu; nawo weiyayia ngoma yangu wela ngiliwata hamwe: wekighamba, Izuwa atemshigha; mkinyeni, mgureni; amu tehena wa kukija.

¹⁰ Ee Izuwa, usioke hae hangu: Ee Izuwa wangu, usare kunighenja.

¹¹ Wagurwe ni soni na waliwe wala wazo wa ngoma yangu: wafinikirwe ni nguruna na kudawa wala waenda nzia ya kuniketia viwiwi.

¹² Na mi, nineikaa nikigumiria misi yose: na nineneta kukuisisa musi hena musi.

¹³ Itumbu langu linelia mburi ya ngalo yako na ya lukio lwako hemusi puti: amu simaijemi kutara kwakwe.

¹⁴ Nineza na mihiro mibaha ya Mzuri Izuwa: nineitetia ngalo yako, ngalo yako tiki.

¹⁵ Ee Izuwa, niwe unilosha too wudongo wangu: mtano yoo natinda mburi ya marighio mako.

¹⁶ Ee, nikioka mughosi na mwenye mvi, Ee Izuwa, usinishighe: mtano nalitindia irika lingi mkono wako, na ose eneza zinya yako.

¹⁷ Ngalo yako, Ee Izuwa, ikweie muno: we uketie vindu vibaha, Ee Izuwa, niani efwanana na We?

¹⁸ We, utuwondje mawasi meingi na mabaha, unetuwushawa: unetukwejawa kufuma heforeke ha masanga.

¹⁹ Uunetije ubaha wangu; ugharukewa unidindije.

²⁰ Na ninekuisisa na malumbo, kididi yako, Ee Izuwa wangu: ninekuvinia maluisiso hena kinubi, We Mshenete wa Israeli.

²¹ Miomo yangu ineizihirwa muno nikikuvinia maluisiso: na ngoma yangu uikijie.

^22-24 Lumi lwangu pia luneitetia ngalo yako hemusi puti: amu wegurwa ni soni, amu weitalua, wala weenda nzia ya kuniketia viwiwi.