Malumbo 63 - Sumu Yedi ya Isa Masiya 1906 Kitamo 1897 Malumbo 1905

¹ Ee Izuwa, niwe Izuwa wangu: ninekuenda kerre.

² Ngoma yangu ina ngiru hena we, muri wangu una nyami hena we: ghati ya isanga liomie na libundike, hesina mbombe.

³ Huwo nikuyoie ghati ya heshenete: niwone zinya jako na kirumi kyako.

⁴ Amu lukundo lwako lwedi kukela moo: miomo yangu inekuisisa.

⁵ Huwo ninekutasia nikioka na moo: nineliwushijia izina lako mikono yangu.

⁶ Ngoma yangu ineighuta sandu na ndoli na mafuta: na itumbu langu linekuisisa na miomo yenye luisejo.

⁷ Nikikukumbuka wuini hangu: na nikikugheshijia magheri ma kio.

⁸ Amu uokie lughenjo lwangu: na ghati ya mvuri wa mazaghu mako nineizihirwa.

⁹ Ngoma yangu yakuratera na lunyarki: mkono‐wa‐kuume wako unidindija.

¹⁰ Kake wala weenda ngoma yangu, wainyamare: wenetonga na handu ha si ha masanga.

¹¹ Wenemiminika hena muhandi: weneoka ifungu la mabara.

¹² Kake mfumwa eneizihirwa ghati ya Izuwa: ose erara hena ye eneng’ara, amu itumbu lawo wechwa maongo linechungwa.