Malumbo 62 - Sumu Yedi ya Isa Masiya 1906 Kitamo 1897 Malumbo 1905

¹ Ngoma yangu yamhujia Izuwa tiki: kufuma hakwe lukio lwangu.

² Niye mjenye ibwe langu na lukio langu: niye mnara wangu ukoiye, sikadedemisha muno.

³ Mtano rini munembukia mundu, nesa mumkome unywi wose: sa lusarigho lwa mabwe luinama, sa lusarigho ludedema.

⁴ Wala ngiliwata wamshukume si kufuma uwedi wakwe; weisejwa na maongo: wetasia na itumbu lawo, kake wesesa ngoroni.

⁵ Ngoma yangu, umhujie Izuwa tiki; amu kuyoia kwangu ni kwa kufuma hakwe.

⁶ Niye mjenye ibwe langu na lukio lwangu: niye mnara wangu ukoiye; sinededemishwa.

⁷ Ha Izuwa ni lukio lwangu na kirumi kyangu: ibwe la zinya yangu na matukio langu, lioho ha Izuwa.

⁸ Mwitikijeni magheri mose, unywi wandu; mimineni ngoro yenyu msongorana wakwe: Izuwa ni matukio hena uswi.

⁹ Kididi wandu wenyongie kihaya, na wandu wabaha maongo: ghati ya mizani wenekwea; weanguhe kukela kihaya.

¹⁰ Usiitikije kuinyala, nete usikuisise ghati ya kusoka: mali mekineta, usimawikia ngoro.

¹¹ Izuwa etetie kamwe, keri nakisikia iki: ti zinya ni jakwe Izuwa.

¹² Na lwako, Ee Mzuri, lusario pia: amu wamhunduia mundu ose hena ndima yakwe.