Malumbo 50 - Sumu Yedi ya Isa Masiya 1906 Kitamo 1897 Malumbo 1905

¹ Izuwa eye Izuwa, eteta: eitanga masanga kufuma kukwea kwa nzano mtano kusea kwakwe.

² Kufuma Sayuni, wuirowili wa uwedi: Izuwa efumiria.

³ Izuwa wetu eneza, na tenehujaye: moto unela msongorana wakwe, na ineruruma muno mbai na mbai yakwe.

⁴ Enejiitangia wanga: na masanga, nesa awachilie wandu wakwe.

⁵ Wunganyeni weshenete wangu hangu: wala weareha lutemiano nami hena itasi.

⁶ Amu wanga jineitoranya ngalo yakwe: amu Izuwa ni mchili mwenye.

⁷ Sikijeni, wandu wangu, na nineteta; Israeli, ninekung’olia mburi: nimi Izuwa, Nimi Izuwa wako.

⁸ Sinekudewera hena matasi mako: na matasi‐ma‐kushota mako meoho msongorana wangu misi yose.

⁹ Sineuhami ng’ombe ghati ya nyumba yako: nete zenge ghati ya virigha vyako.

¹⁰ Amu nyama yose ya kititoni yangu: na ngo’mbe wanga ya nduwi elfu.

¹¹ Najitisiwa ndeghe jose ja nduwini: najo nyama ja shighati nijo jangu.

¹² Kwakicha nasikia nzaa, sinekuwurra: amu masanga ni mangu, na kuizua kwakwe.

¹³ Ninela nyama ya zao: kana ninenywa sakame ya mbuji?

¹⁴ Mng’olia Izuwa itasi la‐haika: umwihie Eye wanga ya vyose viraro vyako.

¹⁵ Uniitange musi wa wasi: ninekukija, na unenirumisha.

¹⁶ Kake Izuwa ewawurra wawiwi, Nize ndima yako kumatoranya maitanawo mangu: na ti wauha aghanyo langu itumbuni hako?

¹⁷ Ukioka wasua kuloshwa: na watagha viteto vyangu nyuma yako.

¹⁸ Ukiwona muhiwi waarehiane naye: ukashanganya nawo washindi.

¹⁹ Wang’ola itumbu lako hena owiwi: na lumi lwako lwaareha ukeleki.

²⁰ Waikaa na wateta wanga ya mundwenyu: wamrigha mwana wakwe mamako mwenye.

²¹ Uviketie vindu ivi nikahuja: ukagheshijia ti nimi deng’e sa we mwenye; ninekudewera, na ninewaarehia mesoni hako.

²² Ingeriaha kusareni iki, unywi mwaiwaa Izuwa: nisimucharandua, asioke mundu wa kukija.

²³ Ula eng’ola itasi la haika enirumisha: na ula eareha mitongie yakwe yedi ninembonyia lukio lwa Izuwa.