Malumbo 5 - Sumu Yedi ya Isa Masiya 1906 Kitamo 1897 Malumbo 1905

¹ Usikije, Mzuri, viteto vyangu: utwarije makusaro mangu.

² Ukunde ighonda la kiiyo kyangu, Mfumwa wangu na Izuwa wangu: amu nakuomba we.

³ Ee Mzuri, heyawo unesikia ighonda langu: heyawo ninekuarehia luombo, nineyoiya.

⁴ Amu siwe Izuwa wa kukunda owiwi: viwiwi tevineikaa hako.

⁵ Wala wekuisisa wenye teweneimuka mesoni hako: uwasua wose weareha owiwi.

⁶ Unewanyamara wala wechwa maongo: Mzuri eshishirrwa na ula mundu wa sakame, mundu wa ukeleki.

⁷ Na mi, hena wiingi wa malusario mako nineingia nyumbeni hako: nineomba hena hekalu lishenete lako hena nganyi.

⁸ Unirongorie, ee Mzuri, hena ngalo yako amu ya wala weniyayia: unirongeshe nzia yako wushoni hangu.

⁹ Amu tehena luitikijo itumbuni hawo: ndeni hawo mawiwi majenye.

¹⁰ Mrangi wawo ni mbira ijughuke: lumi lwawo lwanyoiya.

¹¹ Uwatare wenye ng’oki, Ee Izuwa; wagwe hena machundo mawo wenye: uwakinye hena wiingi wa matekwa mawo; amu wekugolong’ia.

¹² Wala wose wekuitikija we waizihirwe: waloze ndarasi hena luizihiro, amu uwarinda, wala welikunda izina lako waisejwe ghati yako.

¹³ Amu unemtasia mwenye ngalo: ee Mzuri, unemjunguluka na mvono sa ngao.