Malumbo 49 - Sumu Yedi ya Isa Masiya 1906 Kitamo 1897 Malumbo 1905

¹ Kisikieni iki unywi wandu wose: ingieni isikio unywi wose muikee masangeni.

² Wadongo na wabaha pia: wamazi na wakiwa hamwe.

³ Itumbu langu lineteta vya kucha: na lusaro lwa ngoro yangu luneoka lwa kutwarija.

⁴ Nineinamija isikio langu hena shomio: ninejughua kiteto kya mbiso kyangu ghati ya kinubi.

⁵ Nini niituke misi ya owiwi: magheri uresi matutunyeni hangu unijunguluka?

⁶ Wala weing’idaki lumazo lwawo: na wekuisisa hena wiingi wa mali yawo:

⁷ Tehena eidima deng’i kumkombola mundwawo: nete kumwinga Izuwa lukombolo hena ye.

⁸ Amu kukombola kwa ngoma yawo kudindie: na tokuna nde kushighwa ndarasi.

⁹ Nesa akie misi yose: na asiwone kuwoa.

¹⁰ Amu ewona ti wenye kucha wafwa: wetomode na lturwai weteka hamwe, meshigha lumazo hena waghenji.

¹¹ Lusaro lwawo lwa ngoro nilo, ti nyumba jawo jineikaa ndarasi: na kaa jawo mtano marika mose: wemaitanga masanga mawo na mazina mawo wenye.

¹² Kake mundu teikaaye ghati ya nganyi: efwanana na nyama jateka.

¹³ Nzia yawo ii niyo kutomoda kwawo: kake nyuma yawo wandu wekunda viteto vyawo.

¹⁴ Wewikwa sa ifio hena Ahera; kifwa kineoka mrisha; na wairowili wenewaitoria heyawo; na uwedi wawo uneoka hena Ahera, uliwe; hesioke kuikaa henao.

¹⁵ Kake Izuwa enekombola ngoma yangu ghati ya zinya ya Ahera: amu eneniuhia.

¹⁶ Usiituke, mundu ekiwona kuoka mwenye mali: kirumi kya nyumba yakwe kikineta.

¹⁷ Amu ekifwa, tenetika kindu naye: kirumi kyakwe tekinesea nyuma yakwe.

¹⁸ Ikioka magheri ma kukia eitasia ngoma yakwe: na wandu wekuisisa ukikuketia nezo.

¹⁹ Enetonga hena irika la wawawee wakwe: tewenewona kyangaji ndarasi.

²⁰ Mundu mwenye nganyi; esina kucha: efwanana na nyama jateka.