Malumbo 48 - Sumu Yedi ya Isa Masiya 1906 Kitamo 1897 Malumbo 1905

¹ Mbaha niye Mzuri, na wa kuisiswa: kiongoni ha Izuwa wetu, ghati ya nduwi yakwe ishenete.

² Yedi ghati ya kukwejwa, luizihiro lwa masanga mose, nduwi ya Sayuni, mbai ja kaskazini, kiongo kya mfumwa mbaha: Izuwa ekutisiwija ghati ya nyumba jakwe ja kifumwa kuoka matukio.

³ Amu yoa, wafumwa wekuwunganya: nawo wevetia hamwe.

⁴ Weiwonie, niho wakarighiwa: wakaituka, wakatonga wekisara.

⁵ Kudedema kukawagura hala: luwawo sa lwa mche ghati ya kuwona.

⁶ Wajibaa meri kebu ja Tarshish: na ngungu ya ngaghenya.

⁷ Sandu tusikie, huwu tuwonie, kiongoni ha Mzuri wa malweriri, kiongoni ha Izuwa wetu: Izuwa enekiduwija ndarasi.

⁸ Twalugheshijia lukundo lwako, Ee Izuwa: ghati na ghati ya hekalu lako.

⁹ Sa izina lako, Ee Izuwa, huwo luisiso lwako mtano mwidiwiko wa masanga: mkono wako wa kuume uizua ngalo.

¹⁰ Nduwi Sayuni iisejwe, waana‐wa‐kiche wa Yuda waizihirwe: amu ya mawuchili mako.

¹¹ Seleni mbai ya Sayuni, muijunguluke: tareni minara yakwe.

¹² Yoeni nezo malusarigho makwe, gheshijieni nyumba jakwe ja kifumwa: mbone kuliya mburi hena irika laza nyuma.

¹³ Amu Izuwa uu niye Izuwa wetu ndarasi na ndarasi: eneoka mrongoria wetu mtano kifwa.