Malumbo 41 - Sumu Yedi ya Isa Masiya 1906 Kitamo 1897 Malumbo 1905

¹ Etasiwa ula ekumbuka mkiwa: musi wa owiwi Mzuri enemkija.

² Mzuri enemrinda, na enemghenja asifwe, naye enetasiwa masangeni: nete usimng’ole hena kila kikundiwe ni wazo wakwe.

³ Mzuri enemtiricha ghati ya wui wa kuwadjua kwakwe: waareha vindu vyose vya wui wakwe ghati ya ndwari yakwe.

⁴ Nikaghamba, Ee Mzuri, unisarie: uihodje ngoma yangu, amu naketa ng’oki wanga yako.

⁵ Maring’a mangu wenitetia viwiwi, wekighamba: Ni rini enefwa, na izina lakwe lineteka.

⁶ Na ekiza aniwone, eteta kihaya; ngoro yakwe yakuwunganyia owiwi: magheri ma kusela shighati eliya mburi yakwe.

⁷ Wose wala wenisua weweweda hamwe wanga yangu: wanga yangu wela ngiliwata ya kuniwinya.

⁸ Ndwari mbiwi, weghamba, yagurana naye muno: na ingeriaha eshinjia tekawukaye ndarasi.

⁹ Ee, mbuyaa wangu mwenye, nimkundie, nimwitikije, eye ekila kya kidjo kyangu: eniwushijia tutunye yakwe.

¹⁰ Kake We, Ee Mzuri, unisarie, uniwushije: nesa niwaihie.

¹¹ Hena iyo natisiwa ti waisejwa nami: amu mring’a wangu tenilelaye.

¹² Na mi, wanitiricha ghati ya wuirowili wangu: na waniwika msongorana wa wusho wako ndarasi.

¹³ Atasiwe Mzuri, Izuwa wa Israeli: too ndarasi na mtano ndarasi. Amen, na Amen.