Malumbo 4 - Sumu Yedi ya Isa Masiya 1906 Kitamo 1897 Malumbo 1905

¹ Nikiitanga uniitikije, ee Izuwa wa ngalo yangu: waniinga mwanya ghati ya wasi; unisarie, ukunde luombo lwangu.

² Unywi waana wa wandu, mtano rini munekisola kirumi kyangu: muvikunde visiwe, muende maongo.

³ Tisiweni ti Mzuri ekuwikia eye wedi: Mzuri enenisikia, nikimwitanga.

⁴ Dedemeni, musikete ng’oki: teteni ngoroni wuini henyu, muhuje.

⁵ Ng’oleni mang’olwa ma ngalo: muremwitikija Mzuri.

⁶ Weingi weghamba, Niani enetuwonya vyedi? utuwushijie kiangaji kya wusho wako, Mzuri.

⁷ Wanigera ngoroni luizihirwo: kukela wekinanetijiwe mbeke na mvinyo.

⁸ Ninekuyaja hena luworo, nineshinjia lughohe pia: amu we, Mzuri, mjenye waniikaaja na kiboha.