Malumbo 39 - Sumu Yedi ya Isa Masiya 1906 Kitamo 1897 Malumbo 1905

¹ Nitetie, ninejiyoa nzia jangu: nisitekwe na lumi lwangu.

² Ninelirinda itumbu langu sa na hatamu: wawiwi wekioka mesoni hangu.

³ Niswije lumi lwangu, nisitete: nikahuja, mtano na viteto vyedi; kake luwawo na wukiwa hangu.

⁴ Ngoro yangu ikaaka ndeni hangu, ghati ya kugheshijia huwo moto ukaaka: kuidiwika nikateta na lumi lwangu;

⁵ Mzuri, unitisiwije kuidiwika kwangu, na kutara kwa misi yangu: nitwarije magheri mangu.

⁶ Yoa, waniarehia misi yangu sa dambo: kukia kwangu sa si kinducho msongorana wako, na kididi mundu ose eoho utuhu deng’e.

⁷ Amu mundu esela na kivuri kituhu, ekurisha wasi huwo: ewunganya mali, asiidime kughamba niani enemauha.

⁸ Na ingeriaha Mzuri, luing’idaki lwangu nikini: kididi luing’idaki lwangu hako.

⁹ Unikije ghati ya matekwa mangu mose: nete usinioshe masolo ma watomode.

¹⁰ Nihuja, sijughua itumbu: amu niwe uiarehe.

¹¹ Uniwushijie bigho lako, hena kuemea kwa mkono wako naiting’o.

¹² Ukamhunduiya mundu hena owiwi na mabohio, watesha uwedi wakwe sa mbambarito: kididi utuhu mundu ose.

¹³ Usikie, Ee Mzuri, luombo lwangu, usikije nikiiya: usimahujie masoji mangu.

¹⁴ Amu mi mugheni hako: mzoki, sa waapa wangu wose.

¹⁵ Unishigie, nesa nidindijwewa: kuwoka kwa kufuma, na kusaoka.