Malumbo 38 - Sumu Yedi ya Isa Masiya 1906 Kitamo 1897 Malumbo 1905

¹ Ee Mzuri, usinidewere ghati ya oro yako: nete usinibighe ghati ya kuregija kukaehe kwako.

² Amu mivwi yako yaniingia muno: na mkono wako unishukuma viwiwi.

³ Tehenaho wuzima murini hangu amu ya kuregija kwako: nete tehenaho kusoghoka mawindini hangu amu ya ng’oki yangu.

⁴ Amu matekwa mangu mevetia wanga ya mtwi wangu: sa mwagho uemea kukela naidima kutika.

⁵ Arata jangu janyuka na jawoa: amu ya kutomoda kwangu.

⁶ Nawawiwa na nainamijwa muno: natonga nikishiniwa hemusi puti.

⁷ Amu vikudi vyangu vyaizua na kusha: na tehenaho wuzima murini hangu.

⁸ Nasokea na nabunyuwa muno: nadiha amu ngoro yangu teihujayo.

⁹ Mzuri, nyami yangu yose ioho msongorana wako: na kudiha kwangu tokuwiswa hako.

¹⁰ Ngoro yangu yabighabigha, zinya yangu yaniduhukia: na kyangaji kya meso mangu, kyanishigha.

¹¹ Wala wenikunda na wambuyaa wangu weimuka hae hena bigho langu: na wa‐mbare wangu weimuka hae.

¹² Na wala weuenda moo wangu wenigeria mazero: na wala weenda kuniwinya weteta viwiwi, na wegheshijia kukenga hemusi puti.

¹³ Kake mi, sa mundu ming’ani, sisikiami: na nioho sa mundu bubu asilijughue itumbu lakwe.

¹⁴ Ee, nimi sa mundu esisikia: na itumbuni hakwe tehenaho viteto.

¹⁵ Amu naing’idaki hena we, ee Mzuri: enetalwa, ee Mzuri Izuwa wangu.

¹⁶ Amu nitetie, Wasiizihirwe wanga yangu: kughu kwangu kukishereta, wekuisisa wanga yangu.

¹⁷ Amu nikundie kuimuka nisitongewa: na kushiniwa kwangu msongorana wangu misi yose.

¹⁸ Amu nineughamba owiwi wangu: na nineshiniwa hena ng’oki yangu.

¹⁹ Kake maring’a mangu wekia, na wedinda: na wala wenisua hena maongo weongejika.

²⁰ Na wala wehundua viwiwi hena vyedi ni wazo wangu: amu nakiratera kindu kila kiokie kyedi.

²¹ Usinishighe, ee Mzuri: ee Izuwa wangu, usioke hae kufuma hangu.

²² Usare kunighenja: ee Mzuri lukio lwangu.