Malumbo 34 - Sumu Yedi ya Isa Masiya 1906 Kitamo 1897 Malumbo 1905

¹ Ninemtasia Mzuri magheri mose: luisiso lwakwe luneoka itumbuni hangu lusiiting’o.

² Ngoro yangu inekuisisa ghati ya Mzuri: wahoo weneisikia mburi yakwe, na weneizihirwa.

³ Mrumisheni Mzuri hamwe na mi: tulikweje izina lakwe hamwe.

⁴ Nimwendie Mzuri, akanisikia: akaning’ola ghati ya kuituka kwangu kwose.

⁵ Wakamyoa, wakaangajwa: na mawusho mawo temekaoka na soni ndarasi.

⁶ Mkiwa uu akaiya, Mzuri akamsikia: akamkija ghati ya mawukiwa wakwe wose.

⁷ Malaika wa Mzuri etua mbai yawo wemwondoka: naye ewakija.

⁸ Chameni, mureyoeni, ti Mzuri ni wedi: etasiwa mundu ula eitikija hena ye.

⁹ Mwondokeni Mzuri, unywi mushenete wakwe: amu wala wemwondoka tewesowe kindu.

¹⁰ Waana simba wesowa, na wewawiwa hena nzaa: kake wala wemwenda Mzuri tewekasowe kindu kyedi kyose.

¹¹ Nzooni, unywi waana, nisikijeni: ninemlosha kumwondoka Mzuri.

¹² Mundu ani niye ekundie moo: na ekundie misi, nesa awone vyedi.

¹³ Uluswije lumi lwako ghati ya owiwi: na miomo yako isitete visiwe.

¹⁴ Shigha viwiwi, ukete vyedi: enda luworo, uluratere.

¹⁵ Meso makwe Mzuri ni hena wenye ngolo: na masikio makwe majughuka hena kiiyo kyawo.

¹⁶ Wusho wakwe Mzuri ni wanga yawo weketa viwiwi: achwe lukumbusho lwawo kufuma masangeni.

¹⁷ Mwenye ngalo akaiya, Mzuri akasikia: akawang’ola ghati ya mawiwi mawo mose.

¹⁸ Mzuri ni afuhi na wose webaike ngoro: na ewakija wala wenye ngoro ya kuchwa‐muti.

¹⁹ Mawasi makwe mwenye ngalo ni meingi: kake Mzuri emkija ghati ya mose.

²⁰ Emarinda mawindi makwe mose: temebaika nete imwe.

²¹ Owiwi unewakoma wawiwi: na wala wewasua wenye ngalo wenechiliwa.

²² Mzuri eikombola ngoro ya wazoro wakwe: na tehena mwe eitikija hena ye enechiliwa.