Malumbo 26 - Sumu Yedi ya Isa Masiya 1906 Kitamo 1897 Malumbo 1905

¹ Uoke mchili wangu, Ee Mzuri, amu nasela nisina ng’oki: luitikijo lwangu pia nilo ghati ya Mzuri, amu iyo sigwa mi.

² Uniyoe, Ee Mzuri, na unigheshe: unigheshe ndeni na ngoro.

³ Amu lukundo lwako luoho misi yose msongorana wa meso mangu: na ninesela ghati ya kididi yako.

⁴ Situami na wandu wa kihaya: nete sitongami na wandu wakeleki.

⁵ Nalisua wunganyiko la waketi‐viwiwi: na siikaami hamwe nawo wawiwi.

⁶ Nineoja mikono yangu na kusatekwa: na huwo ninetonga hena kisiko kyako.

⁷ Nesa nitoranye na ighonda la haika: na nilie mburi ya marighio mako mose.

⁸ Mzuri, nalikunda tuo la nyumba yako: na hema la kirumi kyako.

⁹ Usiwushije ngoma yangu hamwe nawo wenye ng’oki: nete moo wangu hamwe na wandu wa sakame.

¹⁰ Mikononi hawo mateshanyo meoho: na mkono wa kuume wawo waizua malumolesha.

¹¹ Kake mi, ninesela na wuirowili wangu: unikombole, unikete lusario.

¹² Kughu kwangu kwaimuka ghati ya handu hedi: ghati ya mawunganyiko ninemtasia Mzuri.