Malumbo 24 - Sumu Yedi ya Isa Masiya 1906 Kitamo 1897 Malumbo 1905

¹ Masanga ni makwe Mzuri, na kuizua kwakwe: masanga mose, na wala wetua uko.

² Amu emajenga wanga ya mabahari: emaduwija wanga ya viroro.

³ Niani enekwea na nduwi ya Mzuri: niani eneimuka ghati ya handu heshenete hakwe?

⁴ Eye mwenye mikono izerre, na ngoro izerre: esiwushija ngoma yakwe hena kihaya, nete esirara hena ukeleki.

⁵ Eneuhia lutasio lwa kufuma hakwe Mzuri: na ngalo ya kufuma hakwe Izuwa wa lukio lwakwe.

⁶ Ili nilo irika lawo wemwenda: wala weenda wusho wako, Ee Izuwa wa Yakobo.

⁷ Wushijeni mitwi, unywi mbenge; wukikeni, unywi maluwi ma ndarasi: na mfumwa wa kirumi eneingia.

⁸ Niani Mfumwa wa kirumi: Mzuri eduwie na mwaaria, Mzuri mwaaria ghati ya ngondo.

⁹ Wushijeni mitwi, unywi mbenge, ee, iwushijeni, unywi maluwi ma ndarasi: na Mfumwa wa kirumi eneingia.

¹⁰ Niani uu Mfumwa wa kirumi: Mzuri wa malweriri, niye Mfumwa wa kirumi.