Malumbo 22 - Sumu Yedi ya Isa Masiya 1906 Kitamo 1897 Malumbo 1905

¹ Izuwa wangu, Izuwa wangu; nini wanishigha: nini hae hena kunighenja, na hena viteto vya kiiyo kyangu;

² Ee Izuwa wangu, naiya hemusi, usitalwe we: na magheri ma kio nisihuje.

³ Kake niwe Usheneta: We uikee na maluisiso ma Israeli.

⁴ Waapa wetu wekuitikije: weitikije, ukawakija.

⁵ Wekuiyie, wakakijwa: wekuitikje, wasigurwe ni soni.

⁶ Kake nimi funja, nete simi mundu: nguruna ya wandu, nidawa ni wandu.

⁷ Wose weniwona wenisola: wejuta momo, wekushakusha mtwi, wekighamba.

⁸ Ukuwike hakwe Mzuri; amkije: amkije, ekioka eisejwa naye.

⁹ Kake niwe uning’olie kufuma ndeni: uokie luing’idaki lwangu ghati ya mavee ma iya.

¹⁰ Nawiritwa wanga yako too kuwoneka kwangu: niwe Izuwa wangu too ndeni ha iya.

¹¹ Usioke hae kufuma hangu; amu wasi uoho afuhi: amu tehena wa kughenja.

¹² Nzao nyingi janijunguluka: nzao jidindie ja Bashani janisarighia mbai jose.

¹³ Wenijughuiya itumbu: sa simba ikaehe ikirunduma.

¹⁴ Namiminika sa mbombe, mawindi mangu mose medusuka: ngoro yangu ni sa machocho; ichangaruka ghati na ghati ndeni hangu.

¹⁵ Zinya yangu yaoma sa lwawia; na lumi lwangu lwagurana na masaa mangu: na uniete ghati ya purughushe ya kifwa.

¹⁶ Amu maguro manijunguluka: wunganyiko la waketi‐owiwi lanizia mbai jose.

¹⁷ Wenisomie mikono na maghu, naidima kutara mawindi mangu mose: weniyoa na wening’odia.

¹⁸ Wejighawa suke jangu ghati yawo: wanga ya nguo yangu wegera zaro.

¹⁹ Kake usioke hae, ee Mzuri: We lughenjo lwangu, usare kunighenja.

²⁰ Uikije ngoma yangu hena muhandi: mkundwa wangu hena iguro.

²¹ Unikije ghati ya itumbu la simba: ee, ghati ya mbembe ja mbogho unitalwa.

²² Ninelitoranya izina lako hena wandwetu: ghati ya mawunganyiko ninekuisisa.

²³ Unywi mwamwondoka Mzuri, mwisiseni: unywi wose wa Yakobo, mrumisheni; na unywi wose wa Israeli, mwitukeni.

²⁴ Amu tedaaye nete tesuaye wasi wawo wenye wasi: nete tembisiaye wusho wakwe; kake ekinamwiyie, esikie.

²⁵ Kufuma hako luisiso lwangu lwaza ghati ya mawunganyiko mabaha: nineiha mararo mangu msongorana wawo wemwondoka.

²⁶ Wanyenya wenela na weneighuta: wala wemwenda Mzuri wenemwisisa; ngoro yako ikie ndarasi.

²⁷ Mihaka yose ya masanga inekumbuka na inemgharukia Mzuri: na mavee mose ma mbare meneinama msongorana wakwe.

²⁸ Amu ufumwa ni wakwe Mzuri: na Ye niye mwitoria mbare.

²⁹ Webandie wose wa masanga: wenela na weneinama.

³⁰ Wose wesea na purughushe weneinama msongorana wakwe: eye esiidima kukija ngoro yakwe mwenye.

³¹ Wala wenewoneka wenemtumikia: Mzuri eneliwa mburi mtano irika.

³² Weneza na weneitoranya ngalo yakwe: hena wandu wenewoneka, ti niye eiketie.