Malumbo 21 - Sumu Yedi ya Isa Masiya 1906 Kitamo 1897 Malumbo 1905

¹ Mfumwa eneizihirwa hena zinya yako, Ee Mzuri: na hena lukio lwako eneizihirwa muno.

² Wamwinga kila ekikundie ngoroni: nete tomwima kuomba kwa miomo yakwe,

³ Amu wamrongoria na matasio ma mawedi: wamgera mtwini lumerisia lwa thahabu izerre.

⁴ Ekundie moo hako, ukamwinga: misi miingi ndarasi na ndarasi.

⁵ Kirumi chakwe kibaha hena lukio lwako: wamgera nganyi na ubaha.

⁶ Amu wamwarehia matasio ndarasi: wamwiseja muno na wusho wako.

⁷ Amu mfumwa emwitikija Mzuri: na hena lusario lwakwe eoho wanga tenededemishwa.

⁸ Mkono wako unewafikia maring’a mako mose: mkono wako wa kuume unewafikia wose wekushishirwa.

⁹ Unewaosha sa mbango ya moto magheri ma oro yako: Mzuri enewamija hena kuregija kwakwe, na moto unewala.

¹⁰ Unenyamara ndunda jawo ghati ya masanga: na waana wawo ghati ya waana wa wandu.

¹¹ Amu wakusara viwiwi wanga yako: wakagheshijia ngiliwata, wasiidime kuifisha.

¹² Amu unewahundua nyuma: unewaarehia nzighi ja mawuta mako.

¹³ Ukwejwe, Ee Mzuri, hena zinya yako: huwo tunewina na tuneisisa zinya yako.