Malumbo 2 - Sumu Yedi ya Isa Masiya 1906 Kitamo 1897 Malumbo 1905

¹ Nini weilimana mbare: nawo wandu wekigheshijia kisiwawe.

² Wekuara wafumwa wa masanga, nawo wabaha wekuliya mburi hamwe: wanga ya Mzuri na wanga ya Masihi wakwe.

³ Tumabaebae machungo mawo: tukutaghie hae nzighe jawo.

⁴ Ula eikee wanga eneseka: Mzuri enewang’olia masola.

⁵ Niho enewatetia hena kureghija kwakwe: enewarisha wukiwa hena oro yakwe.

⁶ Na nimbikie mfumwa wangu: wanga ya Sayuni, nduwi yangu ishenete.

⁷ Ninelitinda aghanyo, Mzuri eniwurrie: Niwe mwana wangu, nimi yoo nikuwonie.

⁸ Uniombe mi, nami ninejing’ola mbare kuoka uhodja wako: mito ya masanga kuoka maitorio mako.

⁹ Unewahua hena isibo la chuma: unewabajabaja sa kiya kya muwumbi.

¹⁰ Haya, wafumwa, areheni kucha: mukuloshe, unywi wachili wa masanga.

¹¹ Mtumikieni Mzuri hena nganyi: mureng’ara hena kudedema.

¹² Mnyonyozeni mwana, asiingiwe ni lureghijo, na muteke nzieni: amu lureghijo lwakwe luneaka wangu; wetasiwe wose wemwitikija ye.