Malumbo 16 - Sumu Yedi ya Isa Masiya 1906 Kitamo 1897 Malumbo 1905

¹ Unirinde, Ee Izuwa: amu nagera luitikijo lwangu hako.

² Namburra Mzuri, Niwe Mzuri wangu: sinami kindu kyedi kukela We.

³ Nawo weshenete weoho masangeni: niwo wedi, na luisejo lwangu lwose ni ghati yawo.

⁴ Wala wemkoranya Mzuri hena izuwa lingi wenenetijiwa mawasi: mang’olwa mawo na sakame na kunywa sikamang’ole mi, nete sikamauha mazina mawo miomoni hangu.

⁵ Mzuri niye ngata ya uhodjo wangu na ya ndemwa yangu: watika nzaro yangu.

⁶ Nzighe janigwia na handu ha kuiseja: ee, nina uhodja wedi.

⁷ Ninemtasia Mzuri, Eye ening’olia mburi: ee, vikudi vyangu vyanilosha magheri ma kio.

⁸ Nambika Mzuri msongorana wangu misi yose: amu niye ha mkono wa kuume wangu, sikadedemishwa.

⁹ Amu ya iyo ngoro yangu yaisejwa, na kirumi kyangu kyaizihirwa: na muri wangu pia uneikaa na kiboha.

¹⁰ Amu toukaishigha ngoma yangu mbireni: nete toukamshigha we Mshenete wako awone kuwoa.

¹¹ Uneniwondja nzia ya moo; msongorana wako luizihiro luizue: na mkononi ha kuume hako maisejo ma ndarasi.