Malumbo 149 - Sumu Yedi ya Isa Masiya 1906 Kitamo 1897 Malumbo 1905

¹ Mwisiseni Mzuri. Mbinieni Mzuri kivino kisha: na luisiso lwakwe ghati ya matorano ma washenete.

² Israeli aizihirwe ghati yakwe ula emwarehie: na waana wa Sayuni waisejwe ghati ya mfumwa wawo.

³ Waliisise izina lakwe ghati ya kuvina: wambinie maluisiso na ngoma na kinubi.

⁴ Amu Mzuri eisejwa na wandu wakwe: enewahamba wahoo na lukio.

⁵ Washenete wang’are ghati ya kirumi: wavine hena kuizihirwa wanga ya mawui mawo.

⁶ Maluisiso mabaha ma Izuwa maoke itumbuni hawo: na muhandi ukaehe uko na uko mkononi hawo.

⁷ Kuihija lawi wanga ya mbare: na mabigho wanga ya wandu.

⁸ Kuchunga wafumwa wawo na minyororo: na njama wawo na mapingu ma menya.

⁹ Kuketa wanga yawo wuchili utamiwe: nganyi iyo washenete wakwe wose weihete. Mwisiseni Mzuri.