Malumbo 141 - Sumu Yedi ya Isa Masiya 1906 Kitamo 1897 Malumbo 1905

¹ Mzuri, nakuitanga, usare hangu: ulisikie ighonda langu, nikikuitanga.

² Luombo lwangu luwikwe sa mafukijo msongorana wako: kuwushijwa kwa mikono yangu kuoke sa itasi la chamagheri.

³ Uwike warindi, ee Mzuri, hena itumbu langu: uyoe mbenge ya miomo yangu.

⁴ Usiinamije ngoro yangu hena kindu kiwiwi, ioke na lweloli ghati ya mihiro ya kija: hamwe na wandu weketa viwiwi; na nisile cha vindu vyawo vinona.

⁵ Mwenye ngalo anibighe, kineoka kyedi; na anidewere, sa mafuta‐mtwini: mtwi wangu usikisue; amu mtano ghati ya owiwi wawo luombo lwangu luneikaa.

⁶ Wachili wawo weghushwa mbai ja ibwe: wenevisikia viteto vyangu, amu vyanona.

⁷ Sa mundu ekiima na ekibaabaa teri: mawindi metu memizwa hena itumbu la mbira.

⁸ Amu meso mangu ni hako, ee Izuwa Mzuri: naing’idaki hena we, usishighe ngoro yangu na wukiwa.

⁹ Unirinde nisigurwe na izero lila weniyejie: na hena mitegho yawo wenye kuketa viwiwi.

¹⁰ Wawiwi wagwe na nyavu jawo wenye: magheri napughunyuka mi.