Malumbo 140 - Sumu Yedi ya Isa Masiya 1906 Kitamo 1897 Malumbo 1905

¹ Unikije, ee Mzuri, hena mundu mbiwi: na unirinde hena mwenye kuketa zinya.

² Wegheshijia mateshanyo ngoroni: misi yose wekuwunganya hamwe hena kubighana.

³ Wenoa lumi lwawo sa nyoka: usungu wa peteni si ya miomo yawo.

⁴ Unikije, Ee Mzuri, mikononi hawo wawiwi: unirinde hena mwenye kuketa zinya, wala wekundie kugharusha mawato mangu.

⁵ Wenye mafuti weniwisia izero, na nzighi: wewanika nyavu mbai ya nzia; wenigeria mtegho.

⁶ Nikamburra Mzuri, Niwe Izuwa wangu: ulisikie ighonda la kusemba kwangu, ee Mzuri.

⁷ Ee Izuwa Mzuri, zinya ya lukio lwangu: waufinikira mtwi wangu hena musi wa ngondo.

⁸ Using’ole, ee Mzuri, sandu mbiwi ekundie: usiufishe ukeleki wakwe; wasikukweje.

⁹ Na hena mtwi wa wala wenijunguluka: mateshanyo ma miomo yawo wenye mawafinikire.

¹⁰ Makaa meshie mawagwie: wawiritwe motoni: ghati ya mawongo meforeke, wasiwukewa.

¹¹ Mwenye kuteta viwiwi tekaduwijwe masangeni: viwiwi vinemyema mwenye kuketa zinya mtano kumgusha.

¹² Natisiwa ti Mzuri enekidindija kiteto kyakwe mwenye wasi: na kila kimbe mkiwa.

¹³ Kididi mwenye ngalo enelianjela izina lako: wairowili wenetua handu uoho we.