Malumbo 132 - Sumu Yedi ya Isa Masiya 1906 Kitamo 1897 Malumbo 1905

¹ Mzuri, umkumbuke Daudi: na wasi wakwe wose.

² Nize emrarie Mzuri: akatemiana hena Mwenye zinya wa Yakobo.

³ Kididi sikazemi hemeni ha nyumba yangu: nete sikakweemi wuini hangu.

⁴ Simaingami meso mangu lughohe: nete vinyami vyangu kushinjia.

⁵ Mtano nineikaniwone handu hena Mzuri: masikani hena Mwenye zinya wa Yakobo.

⁶ Yoa, twasikia mburi yakwe ghati ya Efrata: tukahawona ghati ya mbuwa ya kititoni.

⁷ Tuneingia na masikani jakwe: tuneomba hena handu ha maghu makwe.

⁸ Uwuke, ee Mzuri, wingie na lusowoko lwako: we, na safina ya zinya yako.

⁹ Wakohani wako wadoke ngalo: na washenete wako waloze hena lwizihiro.

¹⁰ Hena lwakwe Daudi mzoro wako: usiwugharushe hae wusho wa ula egeriwe mafuta na we.

¹¹ Mzuri emraria Daudi hena kididi; tekagharukeye kushigha kiteto kyakwe: Wa kuwonwa kwa muri wako ninewika wanga ya kiikayo kyako.

¹² Kwakicha waana wako weligura aghanyo langu, na mburi yangu ninewalosha: waana wawo pia weneikaa wanga ya kiikayo kyako ndarasi.

¹³ Amu Mzuri esaghura Sayuni: ehakunda hala hena matuo makwe.

¹⁴ Aha ni lusoghoko lwangu ndarasi: aha ninetua, amu nihakundie.

¹⁵ Ninevitasia muno vidjo vyakwe: ninewaighusha wakiwa wakwe na kidjo.

¹⁶ Ninewadoka wakohani wakwe pia na lukio: na washenete wakwe weneloza muno hena luizihiro.

¹⁷ Hala nineluosha luhembe lwakwe Daudi kusheghusha: naareha taa hena ula egeriwe mafuta na mi.

¹⁸ Ninewadoka maring’a makwe na soni: kake wanga yakwe mwenye lumerisia lwakwe luneketa nguwari.