Malumbo 119 - Sumu Yedi ya Isa Masiya 1906 Kitamo 1897 Malumbo 1905

¹ Wetasiwe niwo werongeke ghati ya nzia: wesela ghati ya sheria yakwe Mzuri.

² Wetasiwe niwo wegura mburi jakwe: wemwenda na ngoro yose.

³ Ee, teweketawo kisina‐ngalo: wesela ghati ya nzia jakwe.

⁴ Utetuaghanyie malosho mako: tumagure muno.

⁵ Nzia jangu jiarehwe: nimagure maitanawo mako.

⁶ Niho sikagurwe ni soni: nineikanimagurie nganyi maaghanyo mako mose.

⁷ Ninekuanjela na ngoro irongeke: nikikulosha mawuchili mako ma ngalo.

⁸ Ninemagura maitanawo mako usinishighe deng’e.

BETH

BETH

⁹ Hena kini mbwange eneizerrija nzia yakwe: hena kuirinda hena kiteto kyako.

¹⁰ Na ngoro yangu yose nakuenda: nisiteke ghati ya maaghanyo mako.

¹¹ Nakiwisa kiteto kyako ngoroni hangu: nisikete ng’oki wanga yako.

¹² Utasiwe we, ee Mzuri: uniloshe maitanawo mako.

¹³ Na miomo yangu namateta: mawuchili mose ma itumbu lako.

¹⁴ Niizihirwe ghati ya nzia ja mburi jako: sandu ghati ya mali mose.

¹⁵ Ninekusara ghati ya malosho mako: na ninejiguria nganyi nzia jako.

¹⁶ Ninekuiseja ghati ya maitanawo mako: sikakiiwae kiteto kyako.

GIMEL

GIMEL

¹⁷ Ukete kuora hena mzoro wako, nesa nikie: huwo ninekigura kiteto kyako

¹⁸ Unijughuie meso, nesa niwone: marighio ma kufuma sheria yako.

¹⁹ Nimi mugheni masangeni: usiniwisie maaghanyo mako.

²⁰ Ngoma yangu ibaike hena nyami: iihete hena mawuchili mako misi yose.

²¹ Uwadewera wenye‐mafuti, weseswa: niwo weteka ghati ya maaghanyo mako.

²² Uniwushijie nguruna na kudawa: amu najigura mburi jako.

²³ Njama pia weikee wakateta wanga yangu: kake muzoro wako ekusarie ghati ya maitanawo mako.

²⁴ Mburi jako pia ni luisejo lwangu: na wandu wa kuchila kwangu.

DALETH

DALETH

²⁵ Ngoma yangu yagurana na purughushe: uniwushe hena kiteto kyako.

²⁶ Nijitete nzia jangu, ukanitalwa: uniloshe maitanawo mako.

²⁷ Unioshe mwenye kutwarija nzia ya malosho mako: huwo ninekusara ghati ya marighio mako.

²⁸ Ngoma yangu yagwa hena kuemea: unidindije hena kiteto kyako.

²⁹ Uniwushijie nzia ya maongo: ureniinga sheria yako na mvono.

³⁰ Nisaghure nzia ya luitikijo: namawika mawuchili mako msongorana wangu.

³¹ Nagurana na mburi jako: ee Mzuri, usinigere soni.

³² Nineidindikia nzia ya maaghanyo mako: uneikauninetijie ngoro. MUSI 25 HEYAWO

HE

HE

³³ Uniloshe, ee Mzuri, nzia ya maitanawo mako: na nineigura mtano kuidiwika.

³⁴ Uniinge kutwarija, na nineigura sheria yako: ee, nineigura na ngoro yangu yose.

³⁵ Unitike ghati ya nzia ya maaghanyo mako: amu ghati yakwe naisejwa.

³⁶ Uniinamije ngoro hena mburi jako: na si hena kulangwa.

³⁷ Unigharushe meso masiyoe vindu visiwe: na uniwushe ghati ya nzia jako.

³⁸ Ukidindije kiteto kyako hena muzoro wako: nikyo kyakwe ekuondoka.

³⁹ Ugharushe hae nguruna yangu, yaniitusha: amu mawuchili mako ni medi.

⁴⁰ Yoa, niokie na nyami hena malosho mako: uniwushe ghati ya ngalo yako.

VAU

VAU

⁴¹ Malusario mako manizie, ee Mzuri: lukio lwako, hena kiteto kyako.

⁴² Huwo nineoka na kumtalwa ula enidewera: amu nakiing’idaki kiteto kyako.

⁴³ Na usiuhe deng’e kiteto kya kididi kufuma itumbu langu: amu naing’idaki ghati ya mawuchili mako.

⁴⁴ Huwo nineigura sheria yako misi yose: ndarasi na ndarasi.

⁴⁵ Na ninetonga nisina swijo: amu namaenda malosho mako.

⁴⁶ Na ninejitetia mburi jako msongorana na wafumwa: nisigurwe ni soni.

⁴⁷ Na ninekuiseja ghati ya maaghanyo mako: emo nimakundie.

⁴⁸ Ninewushija mikono yangu hena maaghanyo mako, nimakundie: na ninekusara maitanawo mako.

ZAIN

ZAIN

⁴⁹ Ukikumbuke kiteto hena mzoro wako: amu uniosha mwenye kuing’idaki.

⁵⁰ Ulu nilo ludindijo lwangu ghati ya wasi wangu: amu kiteto kyako kyaniwusha.

⁵¹ Wenye mafuti weokie wekinisola muno: kake sigharukami kufuma sheria yako.

⁵² Namakumbuka mawuchili mako ma kae, ee Mzuri: nikakudindija.

⁵³ Kureghija kubaha kwanigura: amu ya wala wawiwi weishigha sheria yako.

⁵⁴ Maitanawo mako meokie vivino vyangu: nyumbeni ha kuzoka kwangu.

⁵⁵ Nilikumbuke izina lako, ee Mzuri, kio: nikaigura sheria yako.

⁵⁶ Nikaoka na kindu iki: amu nimagurie malosho mako.

CHETH

CHETH

⁵⁷ Mzuri niye ngata yangu: nighambie ti ninevigura viteto vyako.

⁵⁸ Nikundie lukundo lwako na ngoro yangu yose: unisarie hena kiteto kyako.

⁵⁹ Nikagheshijia nzia jangu: nikamagharusha maghu mangu hena mburi jako.

⁶⁰ Nikasara, nisisheshe: kumayoa maaghanyo mako.

⁶¹ Nzighi ja wawiwi janichunga mbai jose: kake siiwaami sheria yako.

⁶² Kio ghati ninewuka nikung’olie haika: amu ya mawuchili mako ma ngalo.

⁶³ Nimi mughenji wawo wose wekuondoka: na wawo wemagura malosho mako.

⁶⁴ Masanga, ee Mzuri, meizua lusario lwako: uniloshe maitanawo mako.

TETH

TETH

⁶⁵ Uketie nezo hena mzoro wako: ee Mzuri, hena kiteto kyako.

⁶⁶ Uniloshe kuchila kwedi na kutisiwa: amu namaitikija maaghanyo mako.

⁶⁷ Kuwoka nisimerishwa wasi nitekie: kake ingeriaha nakigura kiteto kyako.

⁶⁸ Niwe wedi, na waketa vyedi: uniloshe maitanawo mako.

⁶⁹ Wenye mafuti wechwa maongo wanga yangu: ninemagura malosho mako na ngoro yangu yose.

⁷⁰ Ngoro yawo ibandie sa mafuta: kake naizihirwa ghati ya sheria yako.

⁷¹ Ni kyedi hena mi ti niokie na wasi: nesa nikuloshe maitanawo mako.

⁷² Sheria ya itumbu lako keba hangu: kukela elfu ja thahabu na fetha. MUSI 25 CHAMAGHERI

JOD

JOD

⁷³ Mikono yako inilungie ikaniarehia: uniinge kucha, nesa nikuloshe maaghanyo mako.

⁷⁴ Wala wekuondoka weneniwona na weneizihirwa: amu niokie na kuing’idaki ghati ya kiteto kyako.

⁷⁵ Natisiwa, ee Mzuri, ti mawuchili mako mena ngalo: na ti hena luitikijo wanirisha wasi.

⁷⁶ Lukundo lwako, nakusemba, luoke hena kunidindija: sandu utetie na mzoro wako.

⁷⁷ Masario menyoie mako manizie, nesa nikie: amu sheria yako ni luisejo lwangu.

⁷⁸ Wenye mafuti wagurwe ni soni; amu wenighusha na maongo: kake ninekusara ghati ya malosho mako.

⁷⁹ Na wala wekuondoka wanigharukie: na wenejitisiwa mburi jako.

⁸⁰ Ngoro yangu ioke iirowili ghati ya maitanawo mako: nisigurwe ni soni.

CAPH

CAPH

⁸¹ Ngoro yangu yasokea hena lukio lwako: kake naing’idaki hena kiteto kyako.

⁸² Meso mangu megwa hena kiteto kyako: magheri naghamba, Ni rini unenidindija.

⁸³ Amu niokie sa mkota hena handu ha moshi: kake simaiwaami maitanawo mako.

⁸⁴ Misi ya mzoro wako ni iyo: ni rini uneketa wuchili wanga yawo wenikinya.

⁸⁵ Wenye mafuti weniforia mawongo: wala wesiiratera sheria yako.

⁸⁶ Maaghanyo mako mose mena luitikijo: wenikinya wesina lukake; unighenje.

⁸⁷ Weokie afuhi na kunikoma masangeni: kake simashighami malosho mako.

⁸⁸ Uniwushe hena lukundo lwako: huwo nineigura mburi ya itumbu lako.

LAMED

LAMED

⁸⁹ Ndarasi, ee Mzuri: kiteto kyako kyawikwa wanga.

⁹⁰ Luitikijo lwako ni hena marika mose: umaduwija masanga, namo meikaa.

⁹¹ Vyaikaa yoo hena maitanawo mako: amu vindu vyose ni wazoro wako.

⁹² Kwakicha sheria yako teiokie luisejo lwangu: kwakicha nikiteka ghati ya wasi wangu.

⁹³ Sikaiwaami ndarasi malosho mako: amu hena ama uniwushie.

⁹⁴ Nimi wako, unikije: amu namaenda malosho mako.

⁹⁵ Wawiwi waniyayia nesa waninyamare: kake ninejigheshijia mburi jako.

⁹⁶ Nawona kuidiwika kwa wuirowili wose: kake aghanyo lako laarama muno.

MEM

MEM

⁹⁷ Nize niikundie sheria yako: iokie makusaro mangu hemusi puti.

⁹⁸ Maaghanyo mako meniosha mwenye kucha kukela maring’a mangu: amu misi yose meoho hamwe nami.

⁹⁹ Naidima kutwarija kukela walosha wangu wose: amu mburi jako ni makusaro mangu.

¹⁰⁰ Natwarija kukela waghosi: amu namagura malosho mako.

¹⁰¹ Namaswija maghu mangu ghati ya nzia mbiwi jose: nesa nikigure kiteto kyako.

¹⁰² Sigharukami kufuma mawuchili mako: amu niwe uniloshie.

¹⁰³ Nize viteto vyako vyanona hena kuchama kwangu: kukela nzoke itumbuni hangu.

¹⁰⁴ Hena malosho mako nawono kutwarija: hena iyo nasua nzia mbiwi yose. MUSI 26 HEYAWO

NUN

NUN

¹⁰⁵ Kiteto kyako ni taa hena maghu mangu: kyangaji hena nzia yangu.

¹⁰⁶ Niketie kiraro, nikakidindija: ti ninemagura mawuchili mako ma ngalo.

¹⁰⁷ Narishwa wasi muno: uniwushe, ee Mzuri, hena kiteto kyako.

¹⁰⁸ Uviuhie, nakusemba, ving’olwa vya lukundo vya itumbu langu, ee Mzuri: na uniloshe mawuchili mako.

¹⁰⁹ Ngoro yangu misi yose mikononi hangu: kake siiwaami sheria yako.

¹¹⁰ Wawiwi wenigeria izero: kake sitekami kufuma malosho mako.

¹¹¹ Najiuha mburi jako kuoka uhoja wa ndarasi: amu nijo kuizihirwa kwa ngoro yangu.

¹¹² Nainamija ngoro yangu nikete maitanawo mako: ndarasi, mtano na kuidiwika.

SAMECH

SAMECH

¹¹³ Nashishirrwa na wala wena ngoro mbiwi: kake naikunda sheria yako.

¹¹⁴ Niwe handu hangu ha kukuwisa, na ngao yangu: naing’idaki ghati ya kiteto kyako.

¹¹⁵ Fumeni hangu, unywi mukete viwiwi: nesa nimagure maaghanyo ma Izuwa wangu

¹¹⁶ Uniwushije hena kiteto kyako, nesa nikie: na nisigurwe ni soni amu ya kwing’idaki kwangu.

¹¹⁷ Uniimushe, na ninetonga na kiboha: na ninemayoa maitanawo mako misi yose.

¹¹⁸ Uwawatie wala wose weteka kufuma maitanawo mako: amu ukeleki wawo ni maongo.

¹¹⁹ Uwateshie wawiwi wose wa masanga sa mafuo: hena iyo najikunda mburi jako.

¹²⁰ Muri wangu wadedema hena kukuondoka: na naituka amu ya mawuchili mako.

AIN

AIN

¹²¹ Niketie wuchili na ngalo: usinishighe hena wala weniinyala.

¹²² Umtemianie mzoro wako hena vyedi: wenye mafuti wasiniinyale.

¹²³ Meso mangu masokea hena lukio lwako: na hena kiteto kyako kya ngalo.

¹²⁴ Umketie muzoro wako hena lusario lwako: na uniloshe maitanawo mako.

¹²⁵ Nimi muzoro wako, uniinge kucha: nesa nijitisiwe mburi jako.

¹²⁶ Ni magheri makwe Izuwa ma kuhira ndima: amu weiosha sheria yako haya.

¹²⁷ Hena iyo namakunda maaghanyo mako: kukela thahabu, ee, kukela thahabu izerre.

¹²⁸ Hena iyo namatara malosho mako mose kuoka medi ghati ya vindu vyose: na nasua nzia yose ya maongo.

PE

PE

¹²⁹ Mburi jako jaing’asija: hena iyo ngoro yangu yajigura.

¹³⁰ Kujughuka kwa viteto vyako kwang’ola kyangaji: kwang’ola kucha hena wetomode.

¹³¹ Nijughue muno itumbu langu, nikahemahema: amu nisikie nyami hena maaghanyo mako.

¹³² Ukugharushe hangu, urenisarie: sandu umanyere kuwaketia wala welikundie izina lako.

¹³³ Umaaghanye mawato mangu ghati ya kiteto kyako: na owiwi usiniitorie deng’e.

¹³⁴ Unikombole ghati ya kuinyalwa kwa wandu: huwo ninemagura malosho mako.

¹³⁵ Ukiangaje wusho wako wanga ya muzoro wako: na uniloshe maitanawo mako.

¹³⁶ Meso mangu meseja mifuro ya mbombe: amu teweigurawo sheria yako.

TZADDI

TZADDI

¹³⁷ Niwe mwenye ngalo, ee Mzuri: na mawuchili mako merongeke.

¹³⁸ Mburi jako jila ujiaghanyie: nijo ja ngalo na ja luitikijo.

¹³⁹ Kuneng’a kwangu kwanila: amu wazo wangu weviiwaa viteto vyako.

¹⁴⁰ Kiteto kyako kizerre muno: hena iyo mzoro wako ekikundie.

¹⁴¹ Nimi mdongo, na nadawa: kake simaiwaami malosho mako.

¹⁴² Ngalo yako ni ngalo ya ndarasi: na sheria yako ni kididi.

¹⁴³ Wasi na luwawo lwanigura: kake maaghanyo mako ni kuisejwa kwangu.

¹⁴⁴ Mburi jako jina ngalo ndarasi: uniinge kucha, na ninekia. MUSI 26 CHAMAGHERI

KOPH

KOPH

¹⁴⁵ Naitanga na ngoro yangu yose: unitalwe, ee Mzuri, ninemagura maitanawo mako.

¹⁴⁶ Nakuitangia, unikije: na ninejigura mburi jako.

¹⁴⁷ Nawoka hesimeoke marekero, nikaiya: naing’idaki hena viteto vyako.

¹⁴⁸ Meso mangu makarongora malukamba ma kio: nesa nikusare ghati ya kiteto kyako.

¹⁴⁹ Ulisikie ighonda langu hena lukundo lwako: uniwushe, ee Mzuri, hena mawuchili mako:

¹⁵⁰ Wala weratera owiwi wesongeria: niwo hae kufuma sheria yako.

¹⁵¹ Niwe afuhi, ee Mzuri: na maaghanyo mako mose ni kididi.

¹⁵² Kae nitisiwe ghati ya mburi jako: ti ujiwika ndarasi.

RESH

RESH

¹⁵³ Uuyoe wasi wangu, unikije: amu siiwaami sheria yako.

¹⁵⁴ Unilie mburi, na unikombole: uniwushe hena kiteto kyako.

¹⁵⁵ Lukio ni hae kufuma wawiwi: amu teweendawo maitanawo mako.

¹⁵⁶ Malusario mako mabaha, ee Mzuri: uniwushe henu mawuchili mako.

¹⁵⁷ Wala wenikinya na wazo wangu ni weingi: kake sitongami mbai kufuma mburi jako.

¹⁵⁸ Niwayoie waketi urenge, nikashiniwa: amu tewegurawo kiteto kyako.

¹⁵⁹ Uyoe nize nimakundie malosho mako: uniwushe, ee Mzuri, hena lukundo lwako.

¹⁶⁰ Kutara kwa kiteto kyako ni kididi: na mawuchili ma ngalo mako mose nimo ma ndarasi.

SHIN

SHIN

¹⁶¹ Wafumwa wenikinya wesina lukake: kake ngoro yangu yaviituka viteto vyako.

¹⁶² Naizihirwa hena kiteto kyako: sa mundu ewona matahwa mabaha.

¹⁶³ Nasua maongo na nashishirrwa namo: kake naikunda sheria yako.

¹⁶⁴ Kandu kafungate nakuisisa misi yose: amu ya mawuchili mako ma ngalo.

¹⁶⁵ Wala weikunda sheria jako wena luworo lubaha: na tewenawo handu ha kushereta.

¹⁶⁶ Niing’idaki hena lukio lwako, ee Mzuri: nikamaketa maaghanyo mako.

¹⁶⁷ Ngoma yangu yajigura mburi jako: nami nijikundie muno.

¹⁶⁸ Namagura malosho mako na mburi jako: amu nzia jangu jose msongorana wako.

TAU

TAU

¹⁶⁹ Kiiyo kyangu kize msongorana wako, ee Mzuri: uniinge kucha hena kiteto kyako.

¹⁷⁰ Kusemba kwangu kuze msongorana wako: unikije hena kiteto kyako.

¹⁷¹ Miomo yangu itete luisiso: amu wanilosha maitanawo mako.

¹⁷² Lumi lwangu lukivinie kiteto kyako: amu maaghanyo mako mose ni ma ngalo.

¹⁷³ Mkono wako uarehike kunighenja: amu namasaghura malosho mako.

¹⁷⁴ Nisikie nyami hena lukio lwako, ee Mzuri: na sheria yako ni luisejo lwangu.

¹⁷⁵ Ngoma yangu ikie, na inekuisisa: na mawuchili mako manighenje.

¹⁷⁶ Nazarazara sa ighonji litekie: umwende muzoro wako, amu simaiwaami maaghanyo mako.