Malumbo 112 - Sumu Yedi ya Isa Masiya 1906 Kitamo 1897 Malumbo 19051 Mwisiseni Mzuri. Etasiwa mundu emwondoka Mzuri: eisejwa muno ghati ya maaghanyo makwe. 2 Waana wakwe weneoka na zinya masangeni: irika lawo wairowili wenetasiwa. 3 Mali na lumazo meoho nyumbeni hakwe: na ngalo yakwe yaikaa ndarasi. 4 Hena wairowili kyafumirra kyangaji kijeni: niye mwenye mvono, na lusario lwingi, na ngalo. 5 Ni kyedi hena mundu eketa mvono, na ehakusha: eneidindija mburi yakwe wuchilini. 6 Amu tekadedemishwaye ndarasi: mwenye ngalo eneoka ghati ya lukumbusho lwa miaka yose. 7 Tekaondokeye mburi mbiwi: ngoro yakwe yaimuka nezo, ikiitikija hena Mzuri. 8 Ngoro yakwe yaduwijwa, tekaitukeye: mtano eneikaawone sandu ekundie wanga ya wazo wakwe. 9 Emiza, ewainga wenye kuwaiya; ngalo yakwe yaikaa ndarasi: luhembe lwakwe lunekwejwa na nganyi. 10 Mbiwi enewona, eneshiniwa; enetafuna majegho, enenyaruka: kila ekikundie mbiwi kineteka. |
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
British & Foreign Bible Society