Malumbo 111 - Sumu Yedi ya Isa Masiya 1906 Kitamo 1897 Malumbo 1905

¹ Mwisiseni Mzuri. Ninemwanjela Mzuri na ngoro yangu yose: ghati ya lumungu lwa wairowili, na ghati ya matorano.

² Ndima jakwe Mzuri mbaha: jaendwa na wala wose weisejwa najo.

³ Ndima yakwe nganyi na ubaha: na ngalo yakwe yaikaa ndarasi.

⁴ Emaosha marighio makwe makumbukwe: Mzuri ni mwenye mvono na lusario lwa kuizua.

⁵ Ewang’olia wala wemwondoka kidjo: enelikumbuka aghanyo lakwe ndarasi.

⁶ Ewawondja wandu wakwe zinya ya ndima jakwe: ekiwainga uhoja wa mbare.

⁷ Ndima ja mikono yakwe kididi na wuchili: malosho makwe mose meikaa nezo.

⁸ Medindijwa ndarasi na ndarasi: meketwa hena kididi na wuirowili.

⁹ Ewaingijie wandu wakwe lukombolo, eliaghanyie aghanyo lakwe ndarasi: izina lakwe lasheneta na laruma.

¹⁰ Kumwondoka Mzuri ni kuwoka kwa kucha, wala weketa henako wetwarija nezo: luisiso lwakwe lwaikaa ndarasi.