Malumbo 11 - Sumu Yedi ya Isa Masiya 1906 Kitamo 1897 Malumbo 1905

¹ Mzuri niye namwitikija: nize mwaiwurra ngoma yangu, Matuka sa ndeghe nduwini hako.

² Amu yoa, wawiwi wahinda wuta, weuarehia mvwi wawo ghati ya luzighi: nesa wamwase mwenye ngoro irongeke kijeni.

³ Amu vila vya si vikinyamarika: nikini wenye ngalo weidima kuketa.

⁴ Mzuri eoho ghati ya hekalu lishenete; Mzuri, kiikayo kyakwe kioho wanga: meso makwe meyoa, vinyami vyakwe vyaghesha, waana wa wandu.

⁵ Mzuri ewaghesha wenye ngalo: kake ngoma yakwe yasua mbiwi na ula ekundie kuinyala.

⁶ Enewasejia wawiwi mvua ya mitegho: moto na kiberiti na ngungu ya kushota jineoka ngata ya ndemwa yawo.

⁷ Amu Mzuri ni mwenye ngalo: ekundie ngalo: wala werongeke wenewona wusho wakwe.