Malumbo 102 - Sumu Yedi ya Isa Masiya 1906 Kitamo 1897 Malumbo 1905

¹ Ulusikie luombo lwangu, ee Mzuri: na kiiyo kyangu kikuzie.

² Usiniwisie wusho wako musi wa wasi wangu: u niinamijie isikio lako, nikiitanga unitalwe wangu.

³ Amu misi yangu yaiting’o sa moshi: na mawindi mangu mashotwa sa kichinga.

⁴ Ngoro yangu yabigwa sa mani, na yanyaruka: amu naiwaa kula kidjo kyangu.

⁵ Hena lwa ighonda la kudiha kwangu: mawindi mangu magurana na nyama yangu.

⁶ Nafwanana na ngongolo shighati: naoka sa mungungu ghati ya mrabu.

⁷ Nachewa, na naidiwa kuoka: sa kadeghe keikee kajenye wanga ya nyumba.

⁸ Maring’a mangu menirigha hemusi puti: wala wewukwa wanga yangu wesesa hena mi.

⁹ Amu nilie maivu sa kidjo: nikarunganya kyakunywa kyangu na kuiya.

¹⁰ Amu ya kureghija kwako na oro yako: amu uniwushijie, ukanitagha.

¹¹ Misi yangu ni sa kivuri kisea: nami nanyaruka sa mani.

¹² Kake we, ee Mzuri, uneikaa ndarasi: na lukumbusho lwako hena marika mose.

¹³ Unewuka, na unemsaria Sayuni: amu nimo magheri ma kumsaria, ee, magheri mewikwa maza.

¹⁴ Amu wazoro wako weisejwa na mabwe makwe: na weisaria purughushe yakwe.

¹⁵ Huwo mbare jineliituka izina lakwe Mzuri: na wafumwa wose wa masanga kirumi kyako.

¹⁶ Amu Mzuri ejengie Sayuni: awonwa na kirumi kyakwe.

¹⁷ Aluyoa luombo lwakwe mwenye wukiwa: na tedaaye luombo lwawo.

¹⁸ Iki kinetamwa hena irika la akenya: na wandu wenelungwa wenemwisisa Mzuri.

¹⁹ Amu eyoa si kufuma heshenete hakwe ha wanga: kufuma majumbini Mzuri emayoie masanga.

²⁰ Nesa asikie kusumukia kwa mchungwa: awachungue wala wewikwa hena kifwa.

²¹ Nesa wandu walitoranye izina lakwe Mzuri ghati ya Sayuni: na luisiso lwakwe ghati ya Yerusalemi.

²² Mbare jikiwunganyika hamwe: na mafumwa, mamtumikie Mzuri.

²³ Eduhushe zinya yangu nzieni: eioshie misi yangu mifuhi.

²⁴ Nikaghamba, ee Izuwa wangu, usiniwushije ghati na ghati ya misi yangu: miaka yako ni hena marika mose.

²⁵ Kae umawikie luwoko lwa masanga: na majumbi ni ndima ya mikono yako.

²⁶ Meneteka, kake we uneikaa; ee, mose menesakaa sa suke ya kudoka: sa nguo unemagharusha, na menegharuka.

²⁷ Kake we uikee huwo: na miaka yako teikaiting’o.

²⁸ Waana wa wazoro wako weneshesha: na mkuju wawo uneduwijwa msongorana wako.