Malumbo 10 - Sumu Yedi ya Isa Masiya 1906 Kitamo 1897 Malumbo 1905

¹ Nini uimuke hae, ee Mzuri: nini ukuwisa magheri ma wasi.

² Mkiwa akinywa hena mafuti makwe mbiwi: wateghwe hena ukeleki weugheshijia.

³ Amu mbiwi ekuisisa hena malangwa ma ngoro yakwe: naye mwenye ndambi etihia, emdaa Izuwa.

⁴ Mbiwi hena mafuti ma wusho wakwe eghamba, Tenekienda: makusaro makwe mose, Tehena Izuwa.

⁵ Nzia jakwe jareghija misi yose: mawuchili mako wanga, asimawone; ewang’ong’a wawinyi wakwe wose.

⁶ Eghamba ngoroni, Sinededemishwa: irika mtano irika sineoka na wasi.

⁷ Itumbu lakwe laizua seso na ukeleki na lukengo: si ya lumi lwakwe mateshanyo na owiwi.

⁸ Eikaa luteweni ha viongo: mawisoni ekoma ula esina kutekwa: meso memyaiya mnana.

⁹ Eyayia mawisoni sa simba mbakoni; eyayia nesa agure mkiwa: emgura mkiwa, ekimbulula na nyavu yakwe.

¹⁰ Einama, ekukoda: nawo wanana wagwa hena zinya yakwe.

¹¹ Eghamba ngoroni, Izuwa eiwaa: ewisa wusho; tenewona deng’e.

¹² Uwuke, ee Mzuri; ee Izuwa, uwushije mkono wako: usiwaiwae wakiwa.

¹³ Nini mbiwi emdaa Izuwa: na eghamba ngoroni hakwe, Tounekienda.

¹⁴ Uwonie; amu wayoa mateshanyo na tiri, ukiuhe mkononi hako: mnana ekuwika hako; uokie mghenja ula esina‐wawee.

¹⁵ Ubae mkono wakwe mbiwi: na mundu malimali, uende owiwi wakwe mtano touwonawa.

¹⁶ Mzuri niye Mfumwa ndarasi na ndarasi: mbare jateka ghati ya isanga lakwe.

¹⁷ Mzuri, ukisikie kila wekikundie wahoo: uneiarehia ngoro yawo, uneiosha isikio lako lisikie.

¹⁸ Kuwachilia wesina‐wawee na wainyalwa: mundu eye wa masangeni asiokewa wa kuitusha.