Malumbo 1 - Sumu Yedi ya Isa Masiya 1906 Kitamo 1897 Malumbo 1905

¹ Etasiwe mundu esitonga hena mburi ya wawiwi, nete esiimuka nzieni hawo wenye ng’oki: nete esiimuka lumunguni hawo wenye sola.

² Kake luizihiro lwakwe hena sheria ya Mzuri: mtano sheria yakwe eigheshijia hemusi na kio.

³ Eneoka sa muti uhandiwe mifuroni ha mbombe: ugera ndunda yakwe magheri makwe.

⁴ Nete mani makwe temenehumburuka: nakyo kyose ekiareha kineketa nguwari.

⁵ Si huwo henawo wawiwi: wo ni sa makekeshwa, meburushwa ni ngungu.

⁶ Na teweimukawo wawiwi wuchilini: nete wenye ng’oki hena wunganyiko lawo wenye ngalo.

⁷ Amu Mzuri ewatisiwa nzia yawo wenye ngalo: na nzia yawo wawiwi ineteka.