Kufuma 6 - Sumu Yedi ya Isa Masiya 1906 Kitamo 1897 Malumbo 1905

¹ Mzuri akamburra Musa, Ingeriaha unewona sandu ninemketia Farao: hena mkono uduwie enewang’ola, hena mkono uduwie enewasamija ghati ya isanga lakwe.

² Izuwa akamburra Musa, akamburra, Mi Yahuwa;

³ Nikawafumia Ibrahimu, na Isaak, na Yakobo, sa Izuwa Mwenye zinya, hena izina langu Yahuwa sitisiwike nawo mi.

⁴ Nikawikawa maaghano mangu nawo; kuwainga isanga la Kanaan; isanga la kuzoka kwawo; wekinaoke wagheni uko.

⁵ Nasikiawa kuwawiwa kwa waana wa Israeli; wekiwahirijia ndima Wamisri; namakumbuka maaghano mangu.

⁶ Amu ii uwawurre waana wa Israeli; Mi Yahuwa, nami ninemkija unywi hena miagho ya Misri, ninembusha hena wuzoro wawo; ninemkombola hena mkono urongiwe; na machilio mabaha;

⁷ Ninekuuhia wandu wangu; nineoka henyu sa Izuwa: na munenitisiwa mi Yahuwa ni Izuwa wenyu; embushija ghati ya kutika miagho ya Misri.

⁸ Ninemwingija ghati ya isanga lila; niliwushijie mkono wangu niwainge Ibrahimu, na Isaak, na Yakobo; ninemuinga isanga ili kuoka uhodja: mi Yahuwa.

⁹ Musa akawawurra waana wa Israeli, net@ tawamsikia Musa hena luwawo lwa ngoroni@ hena wuzoro kuoka udindie.

¹⁰ Mzuri akamburra Musa, akateta,

¹¹ Tonga umburre Farao mfumwa wa Misri, awang’ole waana wa Israeli ghati ya isang@ lakwe.

¹² Akateta Musa msongorana wa Mzuri@ akaghamba, Yoa, waana wa Israeli tewenisi@ kiawo; enenisikiaze Farao mi nisitawanw@ miomo?

¹³ Mzuri akawawurra Musa na Harun, akawaitanawia hena waana wa Israeli, na hena Farao mfumwa wa Misri, kuwang’ola waana wa Israeli ghati ya isanga la Misri.

¹⁴ Awa niwo mitwi ya nyumba ja wawawee wawo. Waana wa Reuben, mwana mbele wa Israeli: Hanok na Pallu, Hezron na Karmi: awa mbare ja Reuben.

¹⁵ Na waana wa Simeon; Yemuel, na Yamini na Ohad, na Yakin, na Zohar, na Shaul mwana wa Mkanaan: awa mbare ja Simeon.

¹⁶ Na ama ni mazina ma waana wa Lawi hena marika mawo; Gershon, na Kohath, na Merari: na miaka ya kukia kwakwe Lawi miaka ighana na makumi matatu na mifungate.

¹⁷ Waana wa Gershon, Libni na Shimei, hena mbare jawo.

¹⁸ Na waana wa Kohath, Amram, na Izhar, na Hebron, na Uzziel; na miaka ya kukia kwakwe Kohath miaka ighana na makumi matatu na mitatu.

¹⁹ Na waana wa Merari; Mahli na Mushi. Awa mbare jawo Walawi hena marika mawo.

²⁰ Akamuuha Amram Yokebed mundwawo wawee kuoka mche wakwe; akambonia Harun na Musa: miaka ya kukia kwakwe Amram, miaka ighana na makumi matatu na mifungate.

²¹ Na waana wa Izhar; Korah, na Nepheg, na Zichri.

²² Na waana wa Uzziel; Mishael, na Elzaphan, na Sithri.

²³ Akauha Harun Elisheba, mwanakibora wakwe Aminadab, mundwawo Nahshon, kuoka mche wakwe; akambonia Nadab, na Abihu, Eleazar na Ithamar.

²⁴ Na Waana wa Korah; Assir, na Elkanah, na Abiasaph; awa mbare ja Wakorah.

²⁵ Akauha Eleazar mwana wa Harun hena waanakibora wakwe Putiel kuoka mche wakwe; akambonia Finehas. Awa niwo mitwi ya wawawee wa Walawi hena mbare jawo.

²⁶ Awa niwo Harun na Musa wala, Mzuri ewawurie, Mbang’ole waana wa Israeli ghati ya isanga la Misri hena malweriri mawo.

²⁷ Niwo wemburrie Farao mfumwa wa Misri, kuwang’ola waana wa Israeli ghati ya Misri; niwo awa Musa na Harun.

²⁸ Ikaoka musi Mzuri ekinamburre Musa ghati ya isanga la Misri.

²⁹ Mzuri akamburra Musa, ekiteta, Mi Mzuri: mburre Farao mfumwa wa Misri kyose nikuwurrire mi.

³⁰ Akateta Musa msongorana wa Mzuri, Mi sitawanwami miomo, awoneze Farao kunisikia.