Kufuma 39 - Sumu Yedi ya Isa Masiya 1906 Kitamo 1897 Malumbo 1905

¹ Na ya ngoningoni, na ngundu, na irotome, wakaareha nguo ja kutumika, hena ndima ya heshenete, wakaareha nguo jishenete jakwe Harun; sandu Mzuri eaghanyie Musa.

² Akaareha efodi ya thahabu, ngoningoni, na ngundu, na irotome, na nguo ya kitani kiiwitwe.

³ Wakaibighiria thahabu ioshwe sisiri, wakaichwa kuoka rachi, waiingije na ngoningoni, na ngundu, na irotome, na nguo ya kitani kiiwitwe, hena ndima ya mwaria.

⁴ Wakaiarehia vindu vya vituro, vya kuilanganyia: hena malutiriwo meri ikalunganyika.

⁵ Na ngana ya machumo ya efodi, ioho wanga yakwe, iokie huwo, hena ndima yakwe: thahabu, ngoningoni, na ngundu, na irotome na nguo ya kutani kiiwitwe; sandu Mzuri emwaghanyie Musa.

⁶ Wakaareha mabwe ma shoham mechungwa ghati ya mawiko ma thahabu, meson@we, sa kusongowa kwa muhuri, na mazina ma waana wa Izraeli.

⁷ Akamagera wanga ya vituro vya efodi, mabwe hena lukumbusho hena waana wa Israeli, sandu Mzuri emwaghanyie Musa.

⁸ Akakiareha cha‐mbafuni, ndima ya mwaria, sa ndima ya efodi; thahabu, ngoningoni, na ngundu, na irotome na nguo ya kitani kiiwitwe.

⁹ Kikaoka kuarangamba; wakakiareha chambafumi keri; idambo la vichaa wueza wakwe, na idambo la vichaa kuarama kwakwe, keri.

¹⁰ Wakakiwikia mitambara minne ya mabwe: mtambara, akiki ngundu, yakuti ya manjano, na zumaridi, mtambara wa kuwoka.

¹¹ Mtambara wa keri, baharamani, na yakuti samawi, na akiki nyewa.

¹² Mtambara wa katatu, ain‐il‐hiri, na yashimu, na jemashtu.

¹³ Mtambara wa ka@e, zaharajadi, na jazaa, na yashbu: machungwa na mawiko ma thahabu hena machungo mawo.

¹⁴ Mabwe makaoka hena mazina ma waana wa Israeli, ikumi na meri, hena mazina mawo, kusongowa kwa muhuri, mundu ose na izina lakwe, hena mbari ikumi na mbiri.

¹⁵ Wakaareha wanga ya cha‐mbafuni nyise hena maidiwiko makwe, ndima iiwitwe ya thahabu izerre.

¹⁶ Wakaareha mawiko meri ma thahabu napete mbiri ja thahabu: wakajigera pete mbiri ghati ya maidiwiko meri ma cha mbafuni.

¹⁷ Wakajigera nyise mbiri ja thahabu ghati ay pete mbiri jioho maidiwikoni ha cha‐mbafuni.

¹⁸ Namo maidiwiko meri ma njise jiiwitwe wakamachunga na mawiko mala meri, wakamagera wanga ya vituro vya efodi, msongorana wakwe.

¹⁹ Wakaareha pete mbiri ja thahabu, wakajiwika wanga ya maidiwiko meri ma cha‐mbafuni, hena lutiriwo lwakwe, luoho mbai ya efodi ya ndeni.

²⁰ Wakaareha pete mbiri jingi ja thahabu wakajighera hena mbai mbiri ja efodi si mbai wa kuyowa, kuilikia malunganyo mala mengi, wanga ya ngana ya machumo ya efodi.

²¹ Wakakichunga cha‐mbafuni hena pete jakwe na pete ja efodi na luzighe lwa ngoningoni, kioke wanga ya ngana ya machumo ya efodi, na cha‐mbafuni kisichunguke na efodi; sandu Mzuri emwaghanyie Musa.

²² Akaiareha nguo ya efodi ya ndimi iiwitwe, ya ngoningoni yose.

²³ Likaoka iworo ghati ya nguo, sa iworo la madini, na lutiriwo lwa kulijunguluka iworo, lisibajike.

²⁴ Wakaareha wanga ya lutiriwo lwa nguo makamamanga ma ngoningoni, na ngundu, na irotome, na nguo ya kitani kiiwitwe.

²⁵ Waakaareha njugha ja thahabu izerre, wakajigera njugha ghati na ghati ya makamamanga hena lutiriwo lwa nguo, kujuuguluka ghati ya makamamanga.

²⁶ Njugha na ikamamanga, njugha na ikamamanga kulujunguluka lutiriwo lwa nguo ya kutumikia; sandu Mzuri emwaghanyie Musa.

²⁷ Wakaareha makoti ma nguo ya kitani kiiwitwe hena Harun, na hena waana wakwe.

²⁸ Na kilemba cha nguo ya kitani, na makofia medi ma nguo ya kitani, na seruali ya kitani ya nguo ya kitani kiiwitwe.

²⁹ Na ngana ya nguo ya kitani kiiwitwe, na ngoningoni na ngundu, na irotome, ndi ma ya sindano; sandu Mzuri emwaghanyie Musa.

³⁰ Wakaareha kabamba ka lumerisia lushenete, thahabu izerre, wakakitamia kitamo, sa kusongowa kwa muhuri, USHENETO HENA MZURI.

³¹ Wakakachungia luzighe lwa ngoningoni lwa kukachunga wanga kilembeni; sandu Mzuri emwaghanyie Musa.

³² Huwo ndima yose ya hema la hema la mawunganyiko ikaidiwika waana wa Israeli wakaketa hena vyose Mzuri emwaghanyie Musa, ni huwo wakaketa.

³³ Wakamwetie Musa hema, hema yakwe, na viya vyakwe vyose, vichunga vyakwe, maboho makwe, miti yakwe, na ngujo jakwe, na mawiko makwe,

³⁴ Na ifinikiro la mikota ya ndorome igerwe ngundu, na ifinikiro la mikota ya tahashi, na pazia la ifinikiro,

³⁵ Sanduku la luwondjo, na mitikio yakwe, na kiikaiyo cha lusario,

³⁶ Meza, na viya vyakwe vyose, na mabumunda ma luwondjo,

³⁷ Kinara kizerre, na taa jakwe, taa ja kugerwa nezo, na viya vyakwe vyose, na mafuta ma kuangaja,

³⁸ Na kisiko cha thahabu, na mafuta ma kugera, na fukijo linonie, na waniko la mbenge ya hema,

³⁹ Kisiko cha usango, na nyavu yakwe ya usango, mitikio yakwe, na viya vyakwe vyose, birika na kughuu kwakwe,

⁴⁰ Mawaniko ma kiwanza, ngujo jakwe, na mawiko makwe, na mawaniko ma mbenge ya kiwanza, nzighe jakwe, na misomari yakwe, na viya vyose vya ndima ya hema, hena hema la mawunganyiko.

⁴¹ Nguo ja kutumikia hena kutumika ghati ya heshenete, na nguo jishenete ja Harun mkohani, na nguo ja waana wakwe watumike na wukohani.

⁴² Hena vyose Mzuri emwaghanyie Musa, huwo waana wa Israeli wakaareha ndima yose.

⁴³ Musa akaiyoa ndima yose, na yoa, waiketie sandu Mzuri eaghanyie, ni huwo weiketie: Musa akawatasia.