Kufuma 30 - Sumu Yedi ya Isa Masiya 1906 Kitamo 1897 Malumbo 1905

¹ Nawe uneareha kisiko cha kufukija: unekiareha na mti wa mshitta.

² Mkono wueza wakwe, na mkono kuarama kwakwe; kineoka kuarangamba: na mikono miri kutonga wanga kwakwe: mbembe jakwe jineoka huwo.

³ Unekifinikira na thahabu izerre, wanga yakwe, na mbai na mbai yakwe, na mbembe jakwe; unekiarehia lutiriwo lwa thahabu mbai jose.

⁴ Na unekiarehia pete mbiri ja thahabu, si ya lutiriwo lwakwe, hena misawajo yakwe miri unekiarehia, jineoka hena handu ha mitikio ya kukitikia.

⁵ Na uneiareha mitikio ya mti wa mshitta, uneifinikira na thahabu.

⁶ Na unekiwi@a msongorana wa pazia lioho mbai ya sanduku ya luwondjo, msongorana wa kiikaiyo‐cha‐lusario kioho wanga ya luwondjo, handu nitoranaho na we.

⁷ Naye Harun eneshota uko mafukijo medi heyawo misi yose: magheri ma kuareha taa, eneshota mafukijo wanga yakwe.

⁸ Na Harun ekiasha taa chamagheri eneshota mafukijo wanga yakwe, mafukijo ma misi yose msongorana wa Mzuri hena marika menyu.

⁹ Musing’ole mafukijo magheni wanga yakwe, nete itasi la kushota, nete itasi la kidjo; nete musimimine itasi la kunywea wanga yakwe.

¹⁰ Naye Harun eneareha lukombolo wanga ya mbembe jakwe kandu kamwe hena mwaka na sakame ya itasi la ng’oki la makombolo: kandu kamwe hena mwaka eneareha lukombolo wanga yakwe hena marika menyu: nikyo kishenete muno hena Mzuri.

¹¹ Mzuri akamburra Musa, ekiteta,

¹² Ukaareha kutara kwa waana wa Israeli hena kutara kwawo, niho weneng’ola mundu ose lukombolo lwa ngoro yakwe hena Mzuri, ukiwatara: isioke ndwari ghati yawo ukiwatara.

¹³ Nikyo weneking’ola, mundu ose evetia ghati yawo wetarika, kihindi cha shekeli hena shekeli ya heshenete: (shekeli niyo gerah makumeri): kihindi cha shekeli itasi hena Mzuri.

¹⁴ Mundu ose evetia ghati yawo wetarika, mwenye miaka makumeri na ekelie, eneng’ola itasi hena Mzuri.

¹⁵ Wamasi wasinetije nete wakiwa wasiduhue, nde kihindi cha shekeli, wekimng’olia Mzuri itasi, kuareha lukombolo lwa ngoro jenyu.

¹⁶ Na uneuha fetha ya lukombolo ya waana wa Israeli, uneiaghanya hena ndima ya hema ya mawunganyiko; nesa ioke lukumbusho hena waana wa Israeli msongorana wa Mzuri, kuareha lukombolo lwa ngoro jenyu.

¹⁷ Mzuri akamburra Musa, ekiteta,

¹⁸ Uneareha na birika la usango, na kughu kwakwe kwa usango: uneliwika ghati ya hema ya mawunganyiko na kisiko, na unegera mbombe ndeni yakwe.

¹⁹ Amu Harun na waana wakwe weneoja mikono yawo na maghu mawo uko.

²⁰ Wekiingia na hema ya mawunganyiko, wenekuoja na mbombe, wasifwe; na wekisongeria kisiko wahire, washote itasi la moto hena Mzuri

²¹ Huwo weneoja mikono yawo na maghu mawo, wasifwe: na lineoka itanawo la tendarasi hawo, hakwe na ha waana wakwe hena marika mawo.

²² Nawa Mzuri akamburra Musa, ekiteta,

²³ Ukuuhie mabungu medi, manemane ma shekeli maghana masano, na mdalasini unonie nussu yakwe, shekeli maghana meri na makumi masano, na kane inonie ya shekeli maghana meri na makumi masano;

²⁴ Na kidda ya shekeli maghana masano, hena shekeli ya heshenete, na mafuta ma zeituni hini.

²⁵ Na unemaareha mafuta ma kugerwa meshenete, mafuta mearehiwe hena ndima ya waghanga meneoka mafuta ma kugerwa meshenete.

²⁶ Na unegera mafuta hema ya mawunganyiko namo, na sanduku la luwondjo,

²⁷ Na meza na viya vyakwe vyose, na kinara na viya vyakwe vyose, na kisiko cha kufukija,

²⁸ Na kisiko cha matasi meshotiwe na viya vyakwe vyose, na birika na kughu kwakwe.

²⁹ Na unevizerrija, vishenete muno: ose evikuwara enesheneta.

³⁰ Na unemgera mafuta Harun, na waana wakwe, wanihirie hena wukohani.

³¹ Na uneteta na waana wa Israeli, ukighamba, Ama meneoka mafuta ma kugerwa meshenete hangu hena marika menyu.

³² Wanga ya mundu mesimiminiwe, nete musiarehe ma mbare yakwe hena kuarehiwa kwakwe: nimo meshenete, meneoka meshenete henyu.

³³ Ose eareha ma mbare yakwe, kana ose emgera mugheni namo: ula enechika ghati ya wandu wakwe.

³⁴ Mzuri akamburra Musa, Ukuuhie mabungo, atifaru, na shecheleti, na chelibena, mabungo na lebona izerre jineoka jose ja mng’ana mwe.

³⁵ Najo unejiareha fukijo, mabungo hena ndima ya mughanga, jirunganyike kimwe, izerre na ishenete.

³⁶ Na mondo uneishagha nezo, uneigera msongorana wa luwondjo hemeni ha mawunganyiko, niho ninetorana na we @ ineoka ishenete muno henyu.

³⁷ Nalo fukijo muneliareha, musikuarehie hena kuarehiwa kwakwe: hako lineoka lishenete hena Mzuri.

³⁸ Ose eneareha la mbare yakwe, alinuse, ula enechika ghati ya wandu wakwe.