Kufuma 24 - Sumu Yedi ya Isa Masiya 1906 Kitamo 1897 Malumbo 1905

¹ Akamburra Musa, Ukwee hena Mzuri, we na Harun, Nadab na Abihu, na makumi mafungate ma waghosi wa Israeli; mureinama hae.

² Musa mwenye amsongerie Mzuri wasisongerie wala; wandu wasikwee hamwe naye.

³ Akaza Musa akawawurra wandu viteto vyose vya Mzuri, na mawuchili: wakatalua wandu wose hena ighonda imwe, wakateta, Viteto vyose atuwurra Mzuri tuneviketa.

⁴ Musa akavitama viteto vyose vya Mzuri, akawuka heyawo akajenga kisiko si ya nduwi, na ngujo ikumi na mbiri, hena mbare ikumi na mbiri ja Israeli.

⁵ Akaingija wabwange wa waana wa Israeli, wakashota ndaswa, wakang’ola matasi ma luworo ng’ombe hena Mzuri.

⁶ Musa akauha sakame mondo, akaigera ghati ya mianje; na sakame mondo akainyinyiria wanga ya kisiko.

⁷ Akauha chuo cha aghano, akasoma masikioni ha wandu: wakateta, Vyose aviteta Mzuri, tuneviketa, tune@isikia.

⁸ Musa akauha sakame, akainyinyiria wanga ya wandu, akateta, Iyo sakame ya aghano.

⁹ Wakakwea Musa, na Harun, Nadab na Abihu, na makumi mafungate ma waghosi wa Israeli:

¹⁰ Wakambona Izuwa wa Israeli; na si ya maghu makwe sa ndima ya mabwe ma samawiti, na sa itoranyo la wanga hena usheneto wakwe.

¹¹ Nete wanga ya wasawurwa wa waana wa Israeli tagera mkono wakwe, wakambona Izuwa wakala wakanywa.

¹² Mzuri akamburra Musa, Kwea hangu nduwini, noke uko: ninekuinga maboho ma mabwe, na aghanyo, na maitanawo, nimatamie; umaloshe.

¹³ Akawuka Musa, na Yoshua wa Nun mwiindi wakwe: Musa akakwea nduwini ha Izuwa.

¹⁴ Akawawurra waghosi, Mutuinde aha, mtano tunemuhundukia: Harun na Hur hamwe na unywi: mwenye viteto aze hawo.

¹⁵ Akakwea Musa nduwim, ijumbi likaifinikira nduwi.

¹⁶ Kikaikaa kirumi kya Mzuri wanga ya nduwi Sinai; @likaifinikira ijumbi misi mitandatu: akamwitanga Musa musi wa kafungate kufuma ghati ya ijumbi.

¹⁷ Kikawoneka kirumi kya Mzuri sa moto uaka wanga ya nduwi mesoni ha waana wa Israeli.

¹⁸ Akaingia Musa ghati ya ijumbi, akakwea nduwini: akaoka Musa nduwini misi makumaane, hemusi na kio.