Kufuma 23 - Sumu Yedi ya Isa Masiya 1906 Kitamo 1897 Malumbo 1905

¹ Usitoranye mburi ja maongo; usigere@ mkono wako hamwe na uwiwi, ukete luwonyo mburi lwa maongo.

² Usiratere weingi ghati ya kuketa viwiwi; nete usikete luwonyo mburi ghati ya viteto ugharuke nyuma ya wengi kunyamara@ wuchili.

³ Nete usimkundie mnana ghati ya viteto vyakwe.

⁴ Ukatorana na ng’ombe yakwe ekusuiye, kana njoe yakwe yateka, kuete unemwetie.

⁵ Ukawona njoe yakwe ekusuiye iyejiwe si ya mwagho wakwe, usikunde kumghenja, kumghenja unemghenja.

⁶ Usinyamare wuchili wa mkiwa wako hena viteto vyakwe.

⁷ Hena kiteto cha maongo ukukembe; nete usimkome esina lukake na mwenye ngalo, amu sinemuosha mwenye uwiwi kuoka na ngalo.

⁸ Nete usiuhie lumolesha, amu lumolesha lwawabaja meso wewona, lwateshanya viteto vyawo wenye ngalo.

⁹ Usimwinyale, mugheni: amu unywi mwatisiwa ngoro ya mugheni, amu mwokie wagheni ghati ya isanga la Misri.

¹⁰ Miaka mitandatu unehanda mteme wako unewunganya mawonwa makwe;

¹¹ Kake mwaka wa kafungate, ushighe, usiutongie nawo wakiwa wa wandu wako weneula wavishighaja nyamao ja ngendeni jinevila. Huwu uiketie mizabibu yako na mizeituni yako.

¹² Misi mitandatu uneareha ndima yako, na musi wa kafungate unesowoka iwone kusowoka ng’ombe yako na njoe yako, asowoke mwana wa muzoro wako wa kiche na mugheni.

¹³ Hena vyose nimburire mukuyoe: nete izina la maizuwa mengi usilirange, nete lisisikiwe ghati ya itumbu lako.

¹⁴ Kandu katatu hena mwaka uneniarehia musi mbaha.

¹⁵ Uneareha musi mbaha wa isifushwa. Misi mifungate uneila isif@shwe, sandu nikuaghanyie, magheri ma mweji Abib, (amu hena uo ukafuma na Misri@) nete mundu tenewonwa wushoni hangu mtuhu.

¹⁶ Na musi mbaha wa mafindiko malumbulo, ma ndima yako umahandie mtemeni: na musi wa kuwikia, kuidiwika kwa mwaka, magheri ma kuwikia ndima yako ya mtemeni.

¹⁷ Kandu katatu hena mwaka muduum@ wako ose awonwe msongorana wa Mzuri Izuwa.

¹⁸ Using’ole na mabumunda mefushwe sakame ya itasi langu; nete mafuta ma musi mbaha wangu masiikae mtano heyawo.

¹⁹ Ma kuwoka ma malumbulo ma mteme wako unemaete nyumbeni ha Mzuri Izuwa wako. Usirughie ndahina ya mbuji mavee ma mee wayo.

²⁰ Yoa, mi niingija malaika msongorana wako akurinde nzieni, akutike na handu nimsingirisie.

²¹ Myoiyeni, ulisikie ighonda lakwe; nete msimgolong’ie amu tenemushighia kutekwa amu izina langu ndeni yakwe.

²² Amu kusikia mkasikia ighonda lakwe, n@ mukaketa vyose niviteta nineoka muring’a wa maring’a mako, ninebighana nawo webighana naw@.

²³ Amu malaika wangu enerongora msongorana wako, enekuete hena Mwamori, na Mhiti, na Mperizzi, na Mkaanani, na Mhivi, na Myebusi nawo ninewanyamara.

²⁴ Usimuinamie maizuwa mawo, nete usitumikie, usikete hena mihiro yawo kake kunyamara unenyamara, na unebaa deng’e ngujo jawo.

²⁵ Na unemtumikia Mzuri Izuwa wako, naye enetasia kidjo chako na mbombe yako, nami ninewushija ndwari ghati ya marighati mako.

²⁶ Teineoka nyama yatagha, nete ndasa, ghati ya isanga lako kutara kwa misi yako ninekurija.

²⁷ Nineingija ngiyang’i yangu msongorana wako, ninenwanyaniara wandu wose unewazia, ninekugharushijia maghoshi maring’a mako mose.

²⁸ Nineingija mivwi msongorana wako, wenemkinya Mhiwi, na Mkanaani na Mhitti msongorana wako.

²⁹ Sinewakinya msongorana wako hena mwaka mwe isanga lisishighiwe, nete nyamao ja kititoni jisikunetie.

³⁰ Hadongo hadongo ninewakinya msongorana wako, mtano uneikaaunete, na kuhodja isanga.

³¹ Ninewika mhaka wako mtano bahari ya Sham, mtano bahari ya Wafilisti, na kufuma ishighati mtano mfuro amu ninegera mkononi hako weikee masangeni nawe unewakinya msongorana wako.

³² Usiareha aghanyo nawo, nete na maizuwa mawo.

³³ Teweneikaa ghati ya isanga lako, wasikutekweshe msongorana wangu amu ukimatumikia mazuwa mawo ineoka hako mtegho.