Kufuma 21 - Sumu Yedi ya Isa Masiya 1906 Kitamo 1897 Malumbo 1905

¹ Nimo maaghanyo unemawika msongorana wawo.

² Ukazora mzoro Mwebrania, miaka mitandatu enehira: wa kafungate enefuma esimzora kihaya.

³ Akaingia hako kihaya, enefuma kihaya: kwakicha mwenye mche ye, mche wakwe enefuma hamwe naye.

⁴ Kwakicha mzuri wakwe emwinga mche, naye embonia waana wa kiume kana wa kiche: mche na waana wakwe weneoka hena mzuri, naye enefuma kihaya.

⁵ Kake muzoro kuteta akateta, Nimkundie mzuri wangu, mche wangu na waana wangu; @ifumami nisimzoro@

⁶ Mzuri enemwete hena Mzuri, enemwete hena mbenge, kana hena iboho la mbengeni; mzuri wakwe enemtunga isikio hena lukumba; enemtumikia ndarasi.

⁷ Na mundu akamtagha mwana wa kibora wakwe kuoka mzoro wa kiche, tefumaye sandu wefuma wazoro wa kiume.

⁸ Kwakicha asamwizihira mzuri wakwe, asimuaike, enemshigha akombolwe: kumtagha hena wagheni si kwakwe, ekioka amkenga.

⁹ Kwakicha amuaikia mwana wakwe, kumketa enemketa sa mwana wa kibora wakwe.

¹⁰ Akakuuhia @ungi; kidjo chakwe, na nguo yakwe, na mikayie yakwe ya oshii teneduhua.

¹¹ Kwakicha ama matatu taareha, enefuma esimzoro isioho fetha.

¹² Ula embigha mundu afwe kufwa enefwa naye.

¹³ Naye asatemyayia, kake Izuwa amng’ola mkononi hakwe, ninewika hako handu ha kumatukia.

¹⁴ Kake mundu akamzia mughenji na tiri, nesa amkome hena ng’eno; @itano akaoka kisikoni hangu, umng’ole afwe.

¹⁵ Ula embigha wawee, kana mee, kufwa enefwa.

¹⁶ Ula emhiwa mundu na kumtagha, na awonwa mkononi hakwe, kufwa enefwa.

¹⁷ Ula emrara wawee kana mee, kufwa enefwa.

¹⁸ Wandu wakadewerana, mundu akambigha mughenji na ibwe, kana ngundi, nete tefwa, kake ayajwa wuini:

¹⁹ Akawuka akatonga na isibo, embighie tena lukake: kake enemwihia hena misi yakwe itekie, na mawadjo makwe enemwinga.

²⁰ Mundu akabigha na isibo mzoro wakwe wa kiume kana wa kiche, akafwa mkononi hakwe, kuiha eneiha lawi.

²¹ Kake musi ula, kana musi wa keri akaimuka, tehena lawi; amu niye mali yakwe.

²² Wandu wakadewerana, wakambigha mche eemee, akanyamarika nete tefwaye, kuiha eneiha lawi, sandu mume wa mche ambikiiya: eneiha sandu wachili wekundie.

²³ Kukaoka kuteka, uneng’ola moo hena moo.

²⁴ Ijiso hena ijiso, ijeghu hena ijeghu, mkono hena nikono, kughu hena kughu.

²⁵ Kushota hena kushota, arata hena arata, kubunyua hena kubunyua.

²⁶ Mundu akabigha ijiso la mzoro wakwe wa kiume kana wa kiche, mtano kulinyamara; enemshigha esimzoro hena lwa ijiso lakwe.

²⁷ Mundu akambigha ijegho la mzoro wakwe wa kiume kana wa kiche, mtano kuling’ola, enemshigha esimzoro hena lwa ijegho lakwe.

²⁸ Ng’ombe ikimshukuma mundu kana mche mtano kufwa: ng’ombe inebighwa ma bwe, nete nyama yakwe teineliwa; naye mwenye tena lukake.

²⁹ Kake ng’ombe ikimanyerra kushukuma kae, naye mwenye awurrwa, nete asiikinda, nayo yamkoma mundu kana mche; ng’ombe ine bighwa mabwe, mwenye enefwa.

³⁰ Akawikiwa lukombolo, eneng’ola, hena kukombolo hena ngoro yakwe, vyose eviwikiiwe.

³¹ Ikashukuma mwana wa kiume, kana wa kiche, hena wuchili uwo eneketwa.

³² Kwakicha ng’ombe yashukuma mzoro wa kiume kana wa kiche; enemwinga mwenye shekeli makumi matatu, na ng’ombe inebighwa mabwe.

³³ Mundu akafunukura ikongo kana mundu akafora ikongo, nete asilifinikira, na ng’ombe ikaguiaho, kana njoe;

³⁴ Mwenye ikongo eneiha, naye enemwinga fetha mwenye: na ifwie mali yakwe.

³⁵ Na ng’ombe ya mundu ikashukuma ng’ombe ya mughenji mtano ikafwa; weneitagha ng’ombe ioho na moo, weneghawa zoro yakwe: na ng’ombe ifwa pia weneighawa.

³⁶ Nde kwakicha itisiwike ti ng’ombe yamanyerie kushukuma kae, nete mwenye asiikinde; kuiha eneiha ng’ombe hena ng’ombe, nayo ifwie ni mali yakwe.