Kufuma 20 - Sumu Yedi ya Isa Masiya 1906 Kitamo 1897 Malumbo 1905

¹ Izuwa akateta viteto ivi vyose, akaghamba.

² Nimi Mzuri Izuwa wako, nikuetie ghati ya isanga la Misri, ghati ya nyumba ya wazoro.

³ Usioke na maizuwa mengi nde mi.

⁴ Usikuarehie sanamu ya kusongowa nete mfwanano wa kindu kioho wanga, nete masangeni si, nete mbombeni ioho si ya masanga:

⁵ Usiviinamie nete usiviombe: amu mi Mzuri Izuwa wako ni Izuwa mneng’i, nikiwaihia waana uwiwi wa wawawee wawo mtano katatu na kanne hawo wenishishirwa:

⁶ Nikiwasaria maghana ikumi wenikundie, wegura maaghanyo mangu.

⁷ Usirange huwo izina la Mzuri Izuwa wako; amu Mzuri tenemshighia ula eranga izina Iakwe huwo.

⁸ Kumbuka musi wa Sabato, uushenetije.

⁹ Misi mitandatu hira ndima, uareha ndima yako yose@

¹⁰ Kake musi wa kafungate ni sabato ya Mzuri Izuwa wako: usiarehe ndima, nete we, nete mwana wako wa kiume, nete mwana wako wa kiche, nete mzoro wako wa kiume, nete mzoro wako wa kiche, nete nyama jako, nete mugheni eoho mbengeni hako:

¹¹ Amu hena misi mitandatu Mzuri akaa reha wanga, na si, na vyose vyohoho, akasowoka musi wa kafungate: amu iyo Mzuri akautasia musi wa sabato, akaushenetija.

¹² Uwagurie nganyi waweo na mamako; misi yako iwone kuneta ghati ya isanga uingwa ni Mzuri Izuwa wako.

¹³ Usikome.

¹⁴ Usishinde.

¹⁵ Usihiwe.

¹⁶ Usimchunga@je cha maongo walatiya wako.

¹⁷ Usilangwe nyumba ya walatya wako, usilangwe mche wa walatya wako, nete ng’ombe yakwe nete njoe yakwe, nete chose ena walatya wako.

¹⁸ Wandu wose wakawona kururuma, na kimereteko, na ighonda la ndurere, na nduwi ikifuma moshi na wandu wekinawone wakakukemba, wakaimuka hae.

¹⁹ Wakamburra Musa, Teta we na uswi, tunesikia asitete na uswi Izuwa, tusirefwe.

²⁰ Musa akawawurra wandu, Msiituke: hena kumughesha unywi Izuwa aza, iokie na fole yakwe mesoni henyu, musikete ug’oki.

²¹ Wandu wakaimuka hae. Musa akakisongeria kija kibaha ehaoho Izuwa.

²² Mzuri akamburra Musa. Wawurra waana wa Israeli, Mwawona ti ghati ya majumbi nateta na unywi.

²³ Musiarehe hamwe na mi maizuwa ma fetha, nete maizuwa ma thahabu musikua rehie.

²⁴ Visiko vya itondo umarehie, mung’ole wanga yakwe matasi mako ma kushota, na ndaswa ja luworo, ng’onji jako, na ng’ombe jako handu hose ninelikumbusha izina langu, nineza hako, ninekutasia.

²⁵ Nawe ukmiarehia kisiko cha mabwe, musijenge hena mabwe mesongowe: amu ukiwushija wanga yakwe menya yako, waligera uwiwi.

²⁶ Nete usikwee hena kisiko changu hena videngu, tuhu yako isijughukie wanga yakwe.