Kufuma 16 - Sumu Yedi ya Isa Masiya 1906 Kitamo 1897 Malumbo 1905

¹ Wakazoka kufuma Elim, mawunganyiko mose ma waana wa Israeli, wakafika shighati la Sin, ghati ya Elim, na Sinai musi wa ikumi na sano wa mweji wa keri kutera kwa kufuma ghati ya isanga la Misri.

² Wakawanuunwikia Musa na Harun mawunganyiko mose ma waana wa Israeli ghati ya shighati

³ Wakawawurra waana wa Israeli, Kashi tukifwa hena mkono wa Mzuri ghati ya isanga la Misri, tukinaikae hena nyungu ja nya ma, tukinale mabumunda mtano kuighuta amu mwatuete mtano shighati ii, mbakome mawunganyiko ama mose ni nzaa.

⁴ Mzuri akamburra Musa. Yoa, nimbighijia mabumunda kufuma wanga; nawo wandu wenefuma wenewunganya misi yose ngata yakwe, niwone kuw@ghesha, ti wenetonga na nzia yangu kana hai.

⁵ Ineoka musi wa katandatu wenemaareha @ala wemaete uyumbeni, meneoka kandu keri @ukela w@ndu wewunganya misi @ingi.

⁶ Musa na Harun wakawawurra @aana wa Israeli wose, Chamagheri@ munetisi@a ti Mzuri niye enrung’olie ghati, ya isanga la Misri.

⁷ Na heyawo munekiwona kirumi cha Izuwa: amu esikia kununuwika kwenyu wanga ya Mzuri: na uswi tu am mutununuwikie?

⁸ Akateta Musa, Mzuri amuinga chamagheri nyama mule, na heyawo mabumunda mtano kuighuta: amu Mzuri asikia kununuwika kwenyu mumnunuwikia; uswi tu ani? tomutununuwikia uswi, nde Mzuri.

⁹ Musa akamburra Harun, Utete na mawunganyiko mose ma waana wa Israeli, Songereni msongorana wa Izuwa: amu asikia kununuwika kwenyu.

¹⁰ Ikaoka, Harun ekiteta na mawunganyiko mose ma waana wa Israeli, wakaigharukia shighati, uko kirumi chakwe Mzuri kiwoniwe hena ijumbi.

¹¹ Mzuri akateta na Musa, ekighamba,

¹² Nasikia kununuwika kwa waana wa Israeli: teta nawo, ukighamba, Chamagheri munela nyama, na heyawo muneighuta hena mabumunda; na munetisiwa ti nimi Mzuri, Izuwa wenyu.

¹³ Ikaoka, chamagheri makwararia maka kwea, makafinikira kiengo; na heyawo kime kikahija kujunguluka kiengo.

¹⁴ Na kime kikinakwee handu heoho, kioho wushoni ha shighati kindu kidongo kitimbiriri, kidongo sa sakitu wanga ya si.

¹⁵ Wakakiwona waana wa Israeli, wakateta wonawo, Nikini iki? amu tawatisiwa nikini. Musa akawawurra@ Nikyo kidjo ekimuinga Mzuri mule.

¹⁶ Nikyo kiteto ekiaghanyie Mzuri, Mbughanye mundu ose hena milie yakwe, omeri hena mundu, hena mitarie ya wandu; mundu ose awauhie weoho hemeni.

¹⁷ Ni huwo wakaareha waana wa Israeli, wakawunganya, wengi nyingi, wengi kadongo.

¹⁸ Wekighesha hena omeri, enetije tashighaja, eduhukiwe tewayia mundu ose akawunganya hena milie yakwe.

¹⁹ Musa akawawurra, Mundu asishighe mtano heyawo.

²⁰ Nete tawamsikia Musa@ mondo wawo wakashigha mtano heyawo, ikaketa funja ikanyuka: Musa akagurwa ni oro wanga yawo.

²¹ Wakawunganya heyawo heyawo, mundu ose hena milie yakwe: mtano zano ikiwaa, ikachu@hunika.

²² Ikaoka, musi wa katandatu wakawunganya vidjo kandu keri, omeri mbiri hena mundu mwe: wakaza waz@ri wose wa mawunganyiko, wakamliya Musa mburi.

²³ Akateta, Iki nikyo Mzuri etetie, Yawo Insowoko lwa sabato ishenete hena Mzuri: shoteni kila mwakishota, rugheni kila mukirugha; nakyo kushighajika kiikae mtano heyawo.

²⁴ Wakakiwika mtano heyawo, sandu eaghanyie Musa: tekinyuka nete tejiingie funja.

²⁵ Akateta Musa, Mle ii yoo, ikioka yoo sabato ya Mzuri: yoo tumeneiwona shighati.

²⁶ Misi mitandatu mbughanye, musi wa fungate, niwo sabato, teineoka.

²⁷ Ikaoka musi wa kafungate, wakafuma wandu wawunganye, wasiwone.

²⁸ Mzuri akamburra Musa, Mtano rini musua kugura maaghanyo mangu na itanawo langu.

²⁹ Yoeni, ekioka Mzuri emuingie sabato, amu ii emuinga musi wa katandatu kidjo cha misi miri; ikaeni mundu ose handu hakwe, asifume mundu handu hakwe musi wa kafungate.

³⁰ Huwo wandu@ wakasowoka musi wa kafungate.

³¹ Nyumba ya Israeli wakaitanga izina lakwe mana ikafwanana na mbeu ja gad, nyewa; na kunona kwakwe sa mabumunda na zoke.

³² Akateta Musa, Nikyo kiteto ekiaghanye Mzuri, Izujeni omeri nayo kuwika hena marika menyu; wakiwone kidjo nimurishije shighati, nikinamung’ole ghati ya isanga la Misri.

³³ Musa akamburra Harun, Uuhe kiya, uwike ndeni yakwe omeri iizue na mana, uiwike msongorana wa Mzuri, irindwe hena marika menyu.

³⁴ Sandu Mzuri emwaghanye Musa, Harun akaiwika msongorana wa Luwonyo, irindwe.

³⁵ Waana wa Israeli wakala mana miaka makumi manne, mtano wakaza na isanga la wandu; wakala mtano wakafika inhaka wa isanga la Kanaan.

³⁶ Na omeri nilo ifungu la ikumi la efa.