Kufuma 15 - Sumu Yedi ya Isa Masiya 1906 Kitamo 1897 Malumbo 1905

¹ Musa na waana wa Israeli wakambinia Mzuri kivino iki wakateta, wekighamba, Ninemdinia Mzuri, amu hena kulela elela: frasi na mkwei awatagha baharini.

² Mzuri ni zinya yangu, naye ninembinia, aoka lukio lwangu: niye Izuwa wangu, ninemwisisa; Izuwa wa apa, ninemrumisha.

³ Mzuri mundu wa ngondo Mzuri izina lakwe.

⁴ Magari ma Farao na lweriri lwakwe, ama tagha baharini na wanjama wakwe wasawurwa waalama baharini ha Sham.

⁵ Haforeke hakawawisa wakasea @ si sa ibwe.

⁶ Mkono wako wa kunme Mzuri, ni wa kirumi hena zinya: mkono wako wa kuume, Mzuri, wabaa maring’a.

⁷ Hena wiingi wa zinya yako, wawaghusha wakuwukikikia uingije oro yako, ikawaomija sa makekeshwa.

⁸ Hena ngungu ya fua yako mbombe ikakwejwa, kiroro kikaimuka sa katuwi, heforeke hakakandana ngoroni ha bahari.

⁹ Maring’a makateta, Nineratera, ninetika, nineghawa matahwa; nineighusha ngoro yangu namo; ninejuta muhandi wangu, mkono wangu unewanyamara.

¹⁰ Ururume na ngungu yako, bahari ikawawisa wakalama sa iwuro ghati ya mbombe mbaha.

¹¹ Niani sa we, Mzuri, ghati ya mazuwa? niani sa we mrumishwa hena usheneto, mwenye kuitukwa ukiisiswa, uareha marighio.

¹² Urongie mkono wako wa kuume, si ikawamija.

¹³ Uwarongoria hena lusario lwako wandu uwakombole ukawaete hena zinya yako mtano maikaao ma usheneto wako.

¹⁴ Wandu wasikia, wadedema, luwawo luwagura weikee Filistio.

¹⁵ Wagerwa kuiruto wabaha wa Edom; wazinya wa Moab, kudedema kwawagura; wachuchunika wose weikee Kanaan.

¹⁶ Kuing’asia na kuirutu kuwahete hena ubaha wa mkono wako weikee sa ibwe; mtano wenekela wandu wako, Mzuri, mtano wenekela wandu awa uwazorie.

¹⁷ Unewaingija, unewahanda nduwini ha uhodja wako, handu u@aareha uikae uko, Mzuri, heshenete. Mzuri, mikono yako ihawikie.

¹⁸ Mzuri eneitoria mtano ndarasi na ndarasi.

¹⁹ Amu frasi ja Farao, na magari, na wakwei frasi wakaingia baharini, Mzuri akaihundua wanga yawo mbombe ya bahari: kake waana wa Israeli wakatonga heomie ghati ya bahari.

²⁰ Akauha Miriamu, mroti wa kiche, rumburie Harun, kangoma mkononi hakwe; wakatonga wache wose nyuma yakwe na vingoma na mangima.

²¹ Akatalwa Miriamu, Mbineni Mzuri, amu kulela alela: frasi naye akwea awatagha baharini.

²² Musa akawushija Israeli ghati ya bahari ya Sham, wakafika shighati ya Shuri; wakatonga misi mitatu shighati, wasiwone mbombe.

²³ Wakafika Marah, nete teweidima kunywa mbombe ya Marah, amu isakia; amu ii izina lakwe handu hala likaitangwa Marah.

²⁴ Wandu wakamnunuwikia Musa, wekiteta, Tunywe kini?

²⁵ Akamwiyia Mzuri; Mzuri akambonya mti, akaugera na mbombe, ukainonija mbombe: hala akawageri@ aghanyo na wuchili, hala akawaghesha.

²⁶ Akateta, Muneikaamusikie muno ighonda la Mzuri Izuwa wako, mukaketa ngalo mesoni hakwe, mukasikija malosho makwe, mukagura maaghanyo makwe @ mose; ndwari jose niwagerie Wamisri sinekugera we: amu nimi Mzuri nikuhodja.

²⁷ Wakafika Elim, heokie na maluchoro ikumi na meri ma mbombe, na machangara makumi mafungate, wakatua uko hena mbombe.