Kufuma 13 - Sumu Yedi ya Isa Masiya 1906 Kitamo 1897 Malumbo 1905

¹ Mzuri akamburra Musa, ekiteta.

² Unishenetijie wa mbele wose, chose chajughua ndeni ghati ya waana wa Israeli, cha mundu na cha nyama: ni changu.

³ Musa akawawurra wandu, Kumbukeni musi uu, ghati yakwe mwafuma na Misri, kufuma nyumba ya uzoro; amu hena zinya ya mkono Mzuri emung’olie kufuma handu aha: mesiliwe mabumunda mafushwa.

⁴ Yoo mufumaho mweji wa Abib.

⁵ Ineoka Mzuri akamuete mtano isanga la Wakanaani, na Wahiti, na Waamori, na Wahiwi, na Wayebusi, ekurarie hena wawaweeo wenyu akuinge, isanga liizue mavee na @oke, muuhire mhiro uu mweji uu.

⁶ Misi mifungate munela visigeriwe kifusha musi wa kafungate musi mbaha hena Mzuri.

⁷ Visigeriwe kifusha viliwe misi mifungate, kisiwonwe hako kigeriwe kifusha, kisiwonwe kifusha hena mihaka yako yose.

⁸ Umtindia mwana wako musi ula mukiteta, Amu ya vindu eviarehie Mzuri nikifuma hena Misri.

⁹ Ineoka sa luwano mkononi hako, na lukumbusho hena meso mako, iwone kuoka aghanyo la Mzuri itumbuni hako, amu hena mukono uduwie Mzuri akakung’ola ghati ya Misri.

¹⁰ Gura aghanyo ili hena magheri makwe mwaka hena mwaka.

¹¹ Ineoka Mzuri eneikaakuete mtano isanga la Wakanaani sandu ekurarie we na wawawee wenyu, na enekuinga,

¹² Ti unemvetijia Mzuri chose chajughua ndeni, na wa mbele ose wa nyama una, wa kiume weneoka wa Mzuri.

¹³ Na wa mbele ose wa njoe unemkombola na kaghonji; na usamkombole, niho unembaa singo: na wa mbele ose wa mundu unemkombola.

¹⁴ Na ineoka mwana wako eneikaekuwujanya magheri ma akenya, ekiteta, Nikini iki? unemburra, Hena zinya ya mkono Mzuri etungolie ghati ya Misri, kufuma nyumba ya wuzoro.

¹⁵ Mtano ikaoka Farao ekinakete ukaehe asitushighe, Mzuri akamko@a wa mbele ose ghati ya isa nga la Misri, wa mbele wa wandu na wa mbele wa nyama; amu ii namng’olia Mzuri ose ejughua ndeni ekioka wa kuume, na wa mbele ose wa waana wangu namkombola.

¹⁶ Nakyo kineoka hena @luwano mkononi hako na hena uwedi ghati ya meso mako; amu hena luidimo lwa mkono Mzuri etung’olie ghati ya Misri.

¹⁷ Ikaoka Farao ekinawashighirie wandu, ti Izuwa tewatikie hena nzia ya isanga la Wafilisti, niyo afuhi: amu Izuwa etetie, wandu wasichwe‐muti wekiwona ngondo, na wahunduke na Misri.

¹⁸ Kake Izuwa ewajungulishie wandu, hena nzia ya shighati ya bahari ya Sham: waana wa Israeli wakakwea kufuma Misri wekitika nareta.

¹⁹ Musa akatika naye mawindi makwe Yusuf: amu ewararije muno waana wa Israeli, ekiteta, Kididi Izuwa enemughenja; mukweje mawindi mangu kufuma aha hamwe na unywi.

²⁰ Wakawuka Sukkoti, wakatua hena Etami, hena kuidiwika kwa shighati.

²¹ Akatonga Mzuri msongorana wawo hemusi hena ngujo ya ijumbi, kuwarongoria nzia, na kio hena ngujo ya moto kuwalimikia; watonge hemusi na kio.

²² Tawushija ngujo ya ijumbi hemusi, nete ngujo ya moto kio, msongorana wa wandu.