Kufuma 12 - Sumu Yedi ya Isa Masiya 1906 Kitamo 1897 Malumbo 1905

¹ Mzuri akawawurra Musa na Harun ghati ya isanga la Misri, akaghamba,

² Mweji uu uneoka henyu mweji wa kuwoka @ kuwoka uku henyu kwa mieji ya mwaka.

³ Teteni namo matorano mose ma Israeli, ureteta, Musi wa ikumi wa mweji uu wakuuhie mundu ose kaghonji, hena nyumba ya wawee wawo, kaghonji hena nyumba:

⁴ Nyumba ikimduhukia kaghonji, auhe uu na walatya wakwe eoho afuhi na nyumba yakwe, hena kutara kwa wandu; mundu ose hena kula kwakwe enetarika hena kaghonji.

⁵ Kaghonji kaneoka henyu kazima, kadorome ka mwaka: ghati ya vighonji kana vida ghina munekauha:

⁶ Enewikwa henyu mtano musi wa ikumi na nne wa mweji uu, wamsize wandu wose wa mawunganyiko ma Israeli chamagheri.

⁷ Wauhe sakame, waigere na maboho ma mbengeni meeri ua namrango wa wanga ghati ya nyumba weohoho.

⁸ Mle nyama kio kila, ishotiwe na moto, navyo visigeriwe vya kufusha, kimwe na viwawa.

⁹ Musile mbisi, kana isherushwe na mbombe, kaka ishotiwe na moto: mtwi wakwe na maghu makwe na ndeni yakwe.

¹⁰ Usishighe mtano heyawo: kila kineshighajika mtano heyawo, mukishote motoni dengi.

¹¹ Ni huwo muneila; vikudi vikichungwe, viratu maghuni, masibo mikononi; muile hena usara, niyo pasaka ya Mzuri.

¹² Ninevetia ghati ya isanga la Misri kio iki, ninebigha mbele ose ghati ya isanga lose la Misri, mundu mtano nyamao, na wanga ya maizuwa ma Misri nineareha wuchili: nimi Mzuri.

¹³ Sakame ineoka hena luwano wanga ya nyumba muneikaoho: nineiwona sakame, ibigho telineoka henyu kunyamara, nikibigha ghati ya isanga la Misri.

¹⁴ Musi uu uneoka henyu lukumbusho, muneuosha musi mbaha hena Mzuri: hena maaghanyo ma ndarasi munear@ha musi mbaha.

¹⁵ Misi mifungate mnela visigeriwe kifusha; misi wakuwoka mneng’ola kifusha hena nyumba jenyu; ose ela kifusha, mundu ula enechiwa ghati ya Israeli, too musi wa kuwoka mtano musi wa kafungate.

¹⁶ Musi wa kuwoka uneoka henyu mwiitangano ushenete, musi wa kafungate mwiitangano ushenete; ndima isihirwe misi io isioke nde kidijo cha mundu ikyo tiki kihirike henyu.

¹⁷ Mugure visigeriwe kifusha; amu musi ulaula ning’olie malweriri menyu ghati ya isanga la Misri: mugure musi uu hena mariko menyu hena aghanyo la ndarasi.

¹⁸ Mweji wa kuwoka, musi wa ikumi na nne chamagheri, mle isigeriwe kifusha mtano musi wa makumeri na mwe wa mweji chamagheri.

¹⁹ Misi mifungate kifusha tekinewoneka henyu: ose ela kifusha, muudu uu enechiwa ghati ya matorano ma Israeli, ekioka mugheni, kana ewonekie hena isanga.

²⁰ Musile kifusha, kiongoni henyu hose mle visigeriwe kifusha.

²¹ Akawaitanga Musa waghosi wose wa Israeli, akawawurra, Msawure, muuhe maghonji hena nyumba jenyu, musize pasaka.

²² Muuhe mbagha ya ezobu, muichoboloshijie hena sakame ya mwanjeni mumizie mrangoni ha wanga, na maboho ma mbengeni meri, hena sakame ya mwanje: musifume mundu hena mbenge ya nyumba yakwe mtano heyawo.

²³ Amu Mzuri enevetia nesa abighe Wamisri; na ekiiwona sakame wanga ya mrango wa wanga na maboho ma mbengeni meeri Mzuri enevetia wanga ya mbenge nete tekaingije kunyamara, kuza hena nyumba jenyu kubigha.

²⁴ Mukigure kiteto iki, nicho aghanyo hako na hena waana wako mtano tendarasi.

²⁵ Ineoka mkaidiwa kufika isanga muneliingwa na Mzuri, sandu etetie, mugurre mhiro uu.

²⁶ Ineoka, wekimburra waana wenyu, Mhiro uu wenyu nikini;

²⁷ Muneghamba, Ni itasi la pasaka ya Mzuri, evetie wanga ya nyumba ja waana wa Israeli hena Misri ekinawabigha Wamisri, akajikija nyumba jetu. Wakainama wandu wakaomba.

²⁸ Wakatonga waana wa Israeli, wakaareha sandu Mzuri awawurra Musa na Harun, ni huwo wearehe.

²⁹ Ikaoka kio ghati Mzuri akabigha mwana ose mbele wa isanga la Misri, mbele wa Farao eikee na kichumbi chakwe mtano mbele wa mchungwa nyumbeni ha kichungo; na mwana ose mbele wa nyama.

³⁰ Akawuka Farao kio na wazoro wakwe wose, na Wamisri wose, kikaoka kilozo kibaha hena Misri; amu tehena nyumba hesina mundu efwie.

³¹ Akawaitanga Musa na Harun kio akateta, Wukeni, mfume ghati ya wandu wangu, unywi na waana wa Israeli; mutonge henyu mumtumikie Mzuri sandu mutetie.

³² Muuhe ng’onji jenyu na ng’ombe jenyu, sandu mutetia, mutonge; nami munitasie.

³³ Wamisri wakawaketia wandu zinya kuwang’ola hena usara ghati ya isanga; wekiteta, Twaidiwa kufwa.

³⁴ Wandu wakatika muchu wawo, magheri wesimegera kifusha, via vya kuhuyia vikachungwa ghati ya suke hena vituro vyawo.

³⁵ Wakaketa waana wa Israeli hena kiteto chakwe Musa, wakaomba hena Wamisri vindu vya fetha na vindu vya thahabu, na suke:

³⁶ Mzuri akawainga wandu lukundio mesoni ha Wamisri, wakawang’olia. Wakawahora Wamisri.

³⁷ Wakazoka waana wa Israeli kufuma Raamse mtano Sukkoth maghana matandatu kandu maghana ikumi, na maghu, wandu wabaha, nawa waana.

³⁸ Na wagheni weingi wakakwea nawo na ng’onji na ng’ombe, mafio mabaha muno.

³⁹ Wakashota muchu weuetie ghati ya Misri, mabumunda mesina kifusha, amu tougeriwe kifusha: amu wekinywa ghati ya Misri, tawaidima kushesha, nete tawaarehia kifusha.

⁴⁰ Kuikaa kwawo waana wa Israeli wewekinaikae hena Misri miaka maghana manne na makumi matatu.

⁴¹ Ikaoka kuidiwa kwa miaka maghana manne na makumi matatu, musi ulaula ikaoka, malweriri mose ma Mzuri makafuma ghati ya Misri.

⁴² Kio kya kuwikwa hena Mzuri hena lwa kuwang’ola ghati ya isanga la Misri: kio iki nikyo kigurwe hena Mzuri na waana wa Israeli wose hena marika mawo.

⁴³ Mzuri akamburra Musa na Harun, Ilo aghanyo la pasaka: mugheni teneila:

⁴⁴ Kake muzoro ose wa mundu ezoriwe na fetha mtawane, ikuade eneila.

⁴⁵ Muzo na mwiingwa wuesi wasiile.

⁴⁶ Ghati ya nyumba mwe iliwe; musitike some ya nyumba nyama yakwe; nete musibae iwindi.

⁴⁷ Matorano mose ma Israeli maiarehe.

⁴⁸ Ekiikaa hako mugheni, ekundie kuareha pasaka hena Mzuri, atawanwe mume ose wakwe, asongerie kuiareha; naye eneoka sa ewonekie ghati ya isanga: asitawanwe asile.

⁴⁹ Itanawo imwe ineoka hakwe ewoniwe ghati ya isanga, na mugheni eikee henyu.

⁵⁰ Huwo wakaareha waana wa Israeli wose; sandu Mzuri ewaaghanyie Musa na Harun, nihuwo wearehe.

⁵¹ Ikaoka musi ulaula Mzuri akawang’ola waana wa Israeli ghati ya isanga la Misri hena malweriri mawo.