Kufuma 1 - Sumu Yedi ya Isa Masiya 1906 Kitamo 1897 Malumbo 1905

¹ Ama mazina ma waana wa Israeli, wezie Misri, mundu ose na nyumba yakwe akaza kimwe na Yakobo.

² Reuben, Simeon, Lawi na Yuda;

³ Issakar, Zebulon, na Benyamini;

⁴ Dan na Naftali, Gad na Asher.

⁵ Wakaoka, wandu wose wefumie kikudini hakwe Yakobo, wandu makumi mafungate: akaoka Yusuf Misri.

⁶ Akafwa Yusuf na wandwawo wose, na irika lila lose.

⁷ Waana wa Israeli wakawona muno, wakaneta, wakaoka weingi na waaria muno; isanga likaizua nawo.

⁸ Akawuka mfumwa msha wanga ya Misri, esimtisiwe Yusuf.

⁹ Akawawurra wandu wakwe, Yoa, wandu wa waana wa Israeli weingi na waaria kukela uswi.

¹⁰ Haya, izoni tuwaketie king’eno; wasi@ke weingi, isioke, ngondo ikaza, warungane na maring’a metu wabighane na uswi, wakwee ghati ya isanga.

¹¹ Wakagera wanga yawo waimuki wa wusinga, wawainyale miagho. Wakamjengea Farao viongo vya kuwika, Pithom na Raamses.

¹² Na sandu wawainyala, wakaneta kuoka wengi na kuneta. Wakashishirwa we@iwawona waana wa Israeli.

¹³ Wamisri wakawahirija ndima waana wa Israeli na zinya;

¹⁴ Wakawaketia misi yose na luwawo hena wuzoro wukaehe wa kuareha itondo, na matofali, na ndima jose ja miteme, na wusinga wose wawahirijia nde hena zinya.

¹⁵ Mfumwa wa Misri akateta na wacheku weuhia waana wa Waebrania, na izina la mwe Shifra, na izina la wa keri Puah:

¹⁶ Akateta, Mkawauhia wavyee wa Kiebrania, mkawawona wanga ya vichumbi, kwakicha ni kajanake mkome, kwakicha ni kakibora, kakie.

¹⁷ Wauhii wakamwituka Izuwa, nete aw aketa sandu ewawurire mfumwa wa Misri, wakawakija na moo waanake.

¹⁸ Akawaitanga mfumwa wa Misri waubii, akawawurra, Niniwa mwaketa huwu, mkawaija na moo waanake?

¹⁹ Wauhii wakamburra Farao, Siwo sa wache wa Misri wache wa Waebrania, weawije, magheri waubii wesimeza wawona.

²⁰ Izuwa akawaketia nezo wauhii: wandu wakaoka weingi na waaria muno.

²¹ Ikaoka wekimwituka Izuwa wauhii, akawaarehia nyumba.

²² Farao akawaaghanya wandu wakwe wose, akateta, Mwanake ose enewoneka mumtaghe mfuro, wa kibora ose munemkija na moo.